Yasaya neft û gazê bi awayekî be ku mafê hemûyan biparêze

PUKMEDIA

Serdana Serokkomar bo Silêmaniyê

Duh dûşeme birêz Serokkomar Dr.Ebdul Letîf Cemal Reşîd serdana avahiya parêzgariya Silêmaniyê kir û ji aliyê Heval Ebûbekir parêzgarê Silêmaniyê ve hate pêşwazîkirin.
Di hevdîtinê de behsa rewşa xizmetguzarî û îdarî ya bajêr hate kirin û Serok tekez li ser pêwîstiya hewldan bo rûbirûbûna hemû cureyên gendeliyê û pêşkêşkirina baştirîn xizmetguzarî bo welatiyan kir û tekez li ser piştgîriya xwe bo hemû hewlên bo pesendkirina yasaya petrol û gaze kir bi awayekî ku mafên hemû Iraqiyan biparêze.
Serokkomar her wiha di derbarê pirtûkxaneya parêzgehê de agahî wargirt  û balkişand li ser girîngiya avakirina navendên çandî yên bi çanda kurdî û dîroka wê û parastina kevnariyên nav parêzgehê û xema bo  mûzexaneya wê.
Ji aliyê xwe ve rêzdar Heval Ebûbekir spasiyên xwe pêşkêşî Serokkomar kir ji bo seredana wî ya girîng û cenabê wî dilniya kir ku parêzgah bi hemû dezgehên xwe dê berdewam be li ser karê xwe ji bo pêşkêşkirina xizmetguzariyan ji welatiyan re bi awayekî ku bigihê daxwazên wan ji bo aramiyê.
PUKMEDIA