Serok Bafil: Ji bo bidestxistina berjewendiyan hemahengiyê didomînin

PUKMEDIA

Serok Bafil li Îranê

Serokê Yekîtiya Niştimanî ya Kurdistanê Bafil Celal Talebanî li Tehranê li gel Mihemed Baqir Qalîbaf Serokê Parlamentoya Îranê civiya û di hevdîtinê de ku bi amadebûna biryarderê desteya karûbarê mekteba siyasî Rifat Ebdullah û Derbaz Kosret Resûl endamê desteya kargêrî ya mekteba siyasî, Îmad Ehmed endamê mekteba siyasî û Hîwa Ehmed berpirsê dezgeha asayîşa herêmê, pêşxistina peywendiyên dîrokî di navbera herêmê û Yekîtiya Nîştimanî û Komara Îslamî ya Îranê de gotûbêj kirin, di civînê de tekezî li ser berfirehkirina danûstandinên bazirganî û parastina hemahengiya ewlehî û çandî di navbera her du aliyan de kirin.

Di destpêka hevdîtinê de Serokê Parlamentoya Îranê Mihemed Baqir Qalîbaf rola Mam Celal di avakirina Êraqa nû û parastina hemahengî û pêkvejiyana di navbera netewe û pêkhateyên cuda de bilind nirxand û got: Bîranîna Serok Mam Celal wê di hişê me de nemir bimîne û got: Yekîtiya Niştimanî hêzeke bibandor e û di serkeftina proseya siyasî ya Êraqê de xwedî roleke bibandor e.
Di destpêka civînê de Serok Bafil Celal Talebanî amaje bi giringiya parastina aramî û asayîşa navçeyê kir û got: Em li ser hewlên xwe yên ji bo çareserkirina pirsgirêkan û kontrolkirina kêşeyan berdewam in û em hêvîdar in ku pêngavên me ji bo berjewendiyên bilindtir bin û parastina ewlekarî û aramiya herêmê dê ji bo karên me yên pêşîn be."
Serok Bafil Celal Talebanî li ser rewşa navxwe ya Yekîtiya Niştimanî ya Kurdistanê û peywendiyên wê ligel Bexda û welatên cîran got: Yekîtiya Niştîmanî bi îradeyeke bihêz û serbixwe siyaseta aqilane ya Serok Mam Celal dimeşîne Em dixwazin xizmeta gelê xwe bikin û di wê baweriyê de ne ku ji bo bidestxistina berjewendiyên bilind dikarin hevahengiyê bi hevalên xwe re bidomînin û peywendiyên me yên li gel Şîe û Komara Îslamî ya Îranê di vê çarçoveyê de ye.


PUKMEDIA