YNK slogana kongreya xwe eşkere dike

PUKMEDIA

Yekîtiya Niştimanî ya Kurdistanê

Yekîtiya Niştimanî ya Kurdistanê (YNK) bi dirûşma “Nûbûn di kar de, hevdeng di biryarê de” pêncemîn kongreya xwe ya asayî lidar dixe.Komisyona Bilind a Pêncemîn Kongreya Yekîtiya Niştimanî ya Kurdistanê amadekariyên xwe ji bo temamkirina erkên xwe bi hemû leza xwe didomîne û berdevka fermî ya karûbarên kongreyê dibêje:"Hefteya bê dê rênimayiyên têkildarî kongreyê ji bo  mekteb û  saziyên Yekîtiya Nîştimanî bên weşandin û konferans di roja xwe ya diyarkirî 27.9.2023 ‘an de li bajarê Silêmaniyê bê lidarxistin."

Amadekirina nasnameya endamên diyarkirî yên kongreyê 

Berdevkê Fermî yê Kongireya Pêncemîn a Yekîtiya Niştimanî ya Kurdistanê Talar Letîf di daxuyaniyekê de bo (PUKMEDIA) ragihand: Derbarê amadekariyên kongreyê  de got: “Amadekariyên lidarxistina kongreya pêncemîn a Yekîtiya Niştimanî berdewam in û komîsyonê biryar da ji bo organîzekirina nasnameya endamên hertimî yên Kongreyê , ku endamên niha û yên berê yên Encûmena Serkirdayetiyê, endamên Desteya Bilind a Siyaset û Berjewendiyan û Pêşmergeyên 1976’an tê de ne.”
Berdevkê her wiha got: Komisyona Bilind a Kongreya  Pêncemîn dê li gorî mekanîzmaya ku di rêziknameya navxweyî de tê şopandin, rênimayiyên têkildarî kongreyê bo   mekteb, navendên rêxistinî û saziyên Yekîtiya Niştimanî biweşîne.

Di pêkhateya Yekîtiya Niştimanî de guhertin wê çêbin

Berdevka Fermî ya Kongreya  Pêncemîn a Yekîtiya Niştimanî teqez kir: “Di kongireya pêncem de dê sererastkirinek di yasaya bingehîn de çêbibe û ev guhertin bi dengên endamên kongireya pêncem berovajî kongireya berê, dê bêne pesendkirin. Di çarçoveya kongreyê de di pêkhateya Yekîtiya Niştimanî de guhertin wê çêbin.”
Talar Letîf diyar kir: “Yekîtiya Niştimanî hertim ji bo nûkirin û bihêzkirina jiyana partiyê û saziyên xwe dixebite û di vê pêvajoyê de xwe dispêre şiyanên ciwan, jin û xwîna nû û dê beşdariyeke bi bandor a van di kongreyê de hebe. Her wiha eşkera kir: ‘’Yekîtiya Niştimanî bi yekdengî ji bo bidest xistina armanc û berjewendiyên xwe yên bilind ku berjewendî û daxwazên girseyên gelê Kurdistanê ne, kar dike.
Roja 20.08.2023ê Serokê Yekîtiya Niştimanî ya Kurdistanê (YNK) Bafil Celal Talebanî serpereştiya civîna Mekteba Siyasî li Kerkûkê kir û biryar hat dayîn  roja 27.9.2023’an , Yekîtiya Niştimanî ya Kurdistanê pêncemîn kongreya  xwe bi beşdariya 600 endaman li Silêmaniyê lidar bixe, berî ku beşdarî hilbijartinên encumenên parêzgehan bibe û di 18.12.2023 û hilbijartinên Parlamentoya Kurdistanê roja 25.2.2024 birêve biçe.
PUKMEDIA