Serok Bafil: Armanca me pêkanîna aramî û pêkve jiyanê ye li herêmê

PUKMEDIA

Serok Bafil û Wezîrê Derve yê Îranê

Serokê Yekîtiya Niştimanî ya Kurdistanê (YNK) Bafil Celal Talebanî li Tehranê bi Wezîrê Derve yê Îranê Husên Emir Ebdullahiyan re civiya.
Di hevdîtinê de ku bi amadebûna biryarderê desteya karûbarê Mekteba siyasî Rêfat Ebdullah û Derbaz Kosret Resûl endamê desteya kargêrî ya Mekteba siyasî, Îmad Ehmed endamê Mekteba siyasî û Hîwa Ehmed berpirsê dezgeha Asayîşa herêmê amede bûn ,her du aliyan tekîd li ser pêşxistina peywendiyên dostane û berfirekirina hevkariyên navbera Herêma Kurdistan, Iraq û Komara Îslamî ya Îranê kirin bi awayekî ku di xizmeta berjewendiyên bilind û parastina aramiya navçê de be.
Di hevdîtinê de Serok Bafil Celal Talebanî helwesta YNKê ya derbarê pêşhatên dawî yên siyasî yên li herêmê şîrove kir û got ku armanca me pêkanîna aramî û pêkvejiyana li herêmê ye,ji bo vê jî em piştgîriya diyalog û têgihiştina berpirsane dikin û di wê baweriyê de ne ku tenê rêya derbasbûna pirsgirêkan û bidestveanîna armancên netewî ev e.
Wezîrê Derve yê Îranê Husên Emir Ebdullahiyan jî di bersivê de bal kişand ser rol û siyaseta aqilmend a Mam Celal Serokomarê Iraqê  û got ku ew rêberekî ku hemû deng û rengên cuda li hev kom dikir, bandora wî di avakirina Iraqeke nû de nayê jibîrkirin.
Pêşxistina peywendiyên aborî û bazirganî yên di navbera Herêma Kurdistan, Iraq û Îranê de mijareke dinê vê hevdîtinê bû û her du alî li ser berfirehkirina hevkarî û berfirekirina danûstandinên bazirganî li hev kirin.
PUKMEDIA