Divê pirsgirêkên navbera Herêma Kurdistanê û Bexdayê bên çareserkirin

PUKMEDIA

Talebanî pêşwaziya Balyoza Amerîka li Iraqê kir

Cîgirê Serokwezîr Gubad Talebanî pêşwaziya Balyoza Amerîka li Iraqê Alina Romanowski kir û di wê hevdîtinê de pirsgirêkên navbera Herêma Kurdistanê û Bexdayê de bi taybetî pirsa bûdce û mûçeyên karmendan gotûbêj kirin.
Di civînê de ku îro duşemî 11.09.2023 li bajarê Hewlêrê bi amadebûna Mark Straw Konsulê Giştî yê Amerîkayê li Herêma Kurdistanê hat lidarxistin, her du alî li ser wê yekê hemfikir bûn ku di zûtirîn dem de pirsgirêkên navxweyî yên Herêma Kurdistanê bên çareserkirin, bi taybet navbera Herêma Kurdistanê û Bexdayê de ,bûdce û mûçeyên karmendên Kurdistanê jî.
Di vê çarçoveyê de, Qubad Talebanî tekez li ser wê yekê kir ku Herêma Kurdistanê û gelê Kurd bi giştî rûbirûyê metirsiyên cidî ne, eger nekarin bi lez li ser pirsgirêkên navxweyî derbas bibin, qeyran dê kûrtir bibe û hişyarî da ku her ku em eger derfetan zêdetir ji dest bidin, dê çareserkirina pirsgirêka û qeyranan dijwar û aloztir bibe.
Cîgirê Serokwezîr got ku ew amadene hemû gavên pêwîst ji bo çareserkirina pirsgirêkên bûdce û mûçeyê welatiyan bavêjin.
PUKMEDIA