Serok Bafil: Mafên darayî bi pirsgirêkên siyasî nabe bê girêdan

Medyaya Serokê Yekîtiya Niştimanî

Serokê YNKê û Balyoza Amerîka li Iraqê

Serokê Yekîtiya Niştimanî ya Kurdistanê (YNK) Bafil Celal Talebanî li mala Mam li Bexdayê pêşwaziya Alina Romanowski Balyoza Amerîka li Iraqê kir.
Di hevdîtinê de dawî pêşhatên siyasî, aborî û emnî û pirsgirêkên di navbera Hewlêr û Bexdayê de hatin gotûbêjkirin û tekezî li ser çareseriya destûrî û siyasî ya pirsgirêkan bi awayekî ku bersiva daxwazên hemû aliyan be û aramiya herêmê biparêze, hate kirin.
Serok Bafil Celal Talebanî tekezî li ser pabendbûna YNKê bo çareserkirina pirsgirêkên  di navbera Hewlêr û Bexdayê de kir û got: “Nabe refah û mafê xelkê bi pirsên siyasî ve were girêdan, ji ber ku jiyana gelê me ji qurbanbûna nakokiyên siyasî mezintir e û ji bo bidawîkirina vê rewşa nexwestî em ê her gavê bavêjin.”
Wî got:"Erka me hemûyan e ku em aştiya li herêmê biparêzin û divê bi berpirsyarî gel rewşê rawestin. Heta ku em li ser pirsgirêkan derbaz nebin  û ji bo pêşerojeke geştir hewl nedin aramî çênabe."
Rewşa giştî ya Herêma Kurdistanê û pirsa  hilbijartinan mijareke dinê civînê bû û Serok Bafil  got: "Divê em  hemû  alî li ser mijarên neteweyî  li hev bikin û her hewleke derveyî wê îradeyê red dikin. Em di wê baweriyê de ne ku parastina pêkhateya herêmê û hêza me girêdayî yekitî û hevgirtina me ye, ji bo vê jî em xebatên xwe didomînin."
PUKMEDIA