Em paşxistina proje yasaya avakirina parêzgeha Helebce red dikin

PUKMEDIA

Parêzgeha Helebceyê

Fraksyonên Kurdistanî li civata nûneran ji bilî Newayê Nû îro Duşemê derbarê biryara paşxistina xwendina sêyem ya proje yasaya avakirina parêzgeha Helebceyê di rûniştina îro de civîneke çapemeniyê li dar xistin û bang li Meclisa Nûneran kir ku di zûtirîn dem de pêşnûmeyê bihewîne û pesend bike.
Herêm Kemal Axa, serokê fraksyona Yekîtîya Niştîmanî di Civata Nûneran de, li ser navê hemû pêkhateyên Kurdistanî, di prêskonfiransê de ragihand: “Derengxistina xwendina sêyem ya proje yasaya avakirina parêzgeha Helebce, bi hincetên cuda, ne çaverêkirî bû. Di demekê de ku me beriya civînê ji hemû pêkhateyên parlamentoyê re ragihandibû ku ew proje derbas bûye û wan jî hevxemiya xwe nîşan dan.”
Herêm Kemal Axa daxwaz kir: “Meseleya Helebceyê bi mijarên din re neyê tevlihevkirin, ji ber ku proje yasaya avakirina parêzgeha Helebce wek diyariya herî biçûk ji xelkê bajêr re tê dîtin ku li Iraqê bi destê rejîma Beisê qurbaniyên bêhempa dane.Ti astengiyek destûrî nîne ku Helebce bibe parêzgeh û Helebce beşeke mezin ji proseya demokrasiyê ya Iraqê ye.”
Got jî: Em wek fraksyonên Kurdistanî daxwazê ji hemû fraksiyonên perlemanî li civata nûneran dikin ku li ser vê pirojeya me razî bin daku em hemû hewl bidin ji alîyê yasayî ve Helebce bibe parêzgeha 19 ya Îraqê.
PUKMEDIA