Serok Bafil: Parêzgehbûna Helebce erkê her kesî ye û divê bi berpirsyarî tevbigerin

Ragihandina serokê yekîtî

Serok Bafil û Qeys Xezalî

Serokê Yekîtiya Niştimanî ya Kurdistanê Bafil Celal Talebanî li Bexdayê li gel birêz Qeys El Xezelî Sekreterê Giştî yê Tevgera Asayb Ehllheq civiya.

Her li vê hevdîtinê de êrîşa terorîstî ya li ser Firokexaneya Erbet û şehîdbûna pêşmergeyê dijî terorê hate şermezarkirin û tekez li ser yekrêziya hewlên niştimanî bo parastina aramiya welat hate kirin û daxwaz ji hemû aliyan hate kirin ku lihev bikin û yek helwêst bin ji bo parastina  binpêkirinên ku li dijî serweriya Êraq û Herêma Kurdistanê tên kirin.
Pirsgirêkên di navbera Herêm û Bexdayê de mijareke dinê vê hevdîtinê bû û her du alî tekez li ser pabendbûna bi rêkeftinan û çareseriya destûrî bo kêşeyan di çarçoveya peydakirina parastina mafên hemû aliyan kirin.
Derbarê pirsa parêzgehbûna Helebce û piştevaniya partiyan bo wê, Serok Bafil Celal Talebanî tekez kir ku, veguhertina Helebce bo parêzgeh û avadankirina Helebce erkê hemû aliyek e û divê bi berpirsyarî li gel vî bajarî û xelkên wî be. û parêzgehbûna Helebce berdêlek biçûk e ji qurbaniyên ku wan dane.”


PUKMEDIA