Di roja xwe ya çaremîn de kongreya YNKê berdewam dike

PUKMEDIA

Kongreya Yekîtiya Niştimanî ya Kurdistanê

Çaremîn roja kongreya Yekîtiya Niştimanî ya Kurdistanê (YNK) berdewam e û tê çaverêkirin ku îro endamên serkirdayetiyê bên hilbijartin.
Îro Şemme  30-9-2023 çaremîn  roja Pêncemîn kongreya Yekîtiya Niştimanî ya Kurdistanê (YNK) li bajarê Silêmaniyê berdewam dike û danûstandinên kongreyê ji nû ve dest pê kirin. Di sê rojên derbasbûyî yên kongireya pêncem de, hin xalên rêziknameyê hatin pesendkirin, tê çaverêkirin ku îro biryar li ser madeyên ku nehatine pesendkirin, bên dayîn.

Piştî dengdana li ser rêziknameyê, dê endamên encûmena serkirdayetiyê bêne hilbijartin

Duh peyvdarê pêncemîn kongireya Yekîtiya Niştimanî ya Kurdistanê (YNK) Telar Letîf ji PUKMEDIA re ragihand:“ Piştî dengdana li ser rêziknameyê, dê endamên encûmena serkirdayetiyê bêne hilbijartin, lê eger îro nekare deng li ser hemû xalên rêziknameyê were dayîn, ku 65 made ye û endamên encûmena serkirdayetiyê nehatine hilbijartin dibe ku kongre rojekê were dirêjkirin.’’
Her wiha gotibû: "Nêzîkî 250 endamên kongreyê pêşniyarên xwe pêşkêşî komîteya rêziknameyê kirine, herwiha gelek pêşniyar derbarê hersê encûmen, malbend  û ofîsan de hatine kirin."

Pênçemîn kongreya a Yekîtiya Niştimanî ya Kurdistanê di dema xwe de

Pênçemîn kongreya a Yekîtiya Niştimanî ya Kurdistanê çarşemî 27.09.2023ê li hola Koşka Hunerê ya bajarê Silêmaniyê dest bi karê xwe kir bi amadebûna serokkomar D.Latîf Reşîd  û serokê Herêmê Nêçîrvan Barzanî , rêber û nûnerên partiyên Êraqî û Kurdistanî, balyoz, konsul û nûnerên hejmarek ji welatên herêmê û cîhanê.

Biryara kongreyê li Kerkûkê

Mekteba siyasî ya Yekîtiya Niştimanî ya Kurdistanê roja 20.08.2023ê li bajarê Kerkûkê bi serperiştiya Bafil Celal Talebanî civiya û di civînê de biryar hat dayîn ku pêncemîn kongreya  Yekîtiya Niştimanî  di 27ê Îlona 2023an de were lidarxistin.
Yekîtiya Niştimanî ya Kurdistanê heta niha 4 kongre  li dar xistiye, yekemîn di sala 1992 de, ya duyem di sala 2001ê de, ya sêyem di sala 2010ê de û ya çaremîn jî di sala 2019an de.
PUKMEDIA