Cefer Şêx Mistefa: Yekîtiya Niştimanî dilsoziya xwe îspat kir

PUKMEDIA

Ceafer Şêx Mistefa berpirsê Encumena bilnd a berjewendiyên Yekîtî

Cefer Şêx Mistefa di pêncemîn konfransa Yekîtiya Niştimanî ya Kurdistanê de wek berpirsekî Encumena Bilind a Berjewendiyên hat hilbijartin û ragihand: “Hilbijartina min bo vê erkê tekez dike ku Yekîtiya Niştimanî dilsoziya xwe berember têkoşerên xwe çspat kiriye, got jî ev post ne milkeke kasayetiye belkî nûnertiya hemû şehîd, şervan û kêm endam e.”

Cefer Şêx Mistefa piştî helbijartina xwe wek berpirsekî Encûmena Bilind a Berjewendiyên Yekîtiya Niştimanî di daxuyaniyekê de ji bo kenala Kurdsat News got: “Ez şanaz bûm ku ez ji bo vê postê hatim hilbijartin û ev jî eger tiştekî nîşan bide, xemxwarî û dilsoziya Yekîtiya Niştimanî bi têkoşerên wê re, û em bi alîgirbûna xwe bi Yekîtiyê re serbilind in.”
Cefer Şêx Mistefa her wiha got: “Rêhevalên ku tevlî vê encumenê dibin, têkoşer û mirovên hêja ne û erkên ku dikeve ser milê wan dê bi fedakarî û dilpakiyê pêk bînin da ku bernameya Yekîtiya Niştimanî ya Kurdistanê bi ser bikeve.”

Berpirsê Encumena Bilind a Berjewendiyan li ser rola Serok Bafil Celal Talebanî dibêje: Serok Bafil Celal Talebanî kesayetiyek biwêr û bihêz e û xwediyê postên bi nirxe, di mijarên netewî de tawîz nade û bi lihevhatin, pêkvejiyan û yekrêziya gelê me ra ye."
Derbarê kar û xebatên konferansa pêncem de, Cefer Şêx Mistefa tekez kir: “Kongre gelek serkeftî derbas bû, û hemû endamên konferansê li ser xal û bendên sîstema navxwe gotûbêj kirin, têbîniyên xwe li ser tomar kirin û deng li ser dan. ”

Îro yekşemê 1/10/2023, endamên kongireya pêncem ya Yekîtiya Niştimanî ya Kurdistanê piştî sê rojan gotûbêj û gotûbêjên tund li ser made û xalên wê deng dan û Cefer Şêx Mistefa jî wek Berpirsê Encûmena Bilind a Berjewendiyên Yekîtiya Niştimanî ya Kurdistanê hat hilbijartin.
PUKMEDIA