Serok Bafil: Em soz didin em ê nêzîkatiya Serok Mam bişopînin

PUKMEDIA

kongreya pêcemîn

Îro yekşemî 1.10.2023 piştî nîvro bi hilbijartina 60 endamên Encumena Serkirdayetiyê, karê pêncemîn kongreya Yekîtiya Niştimanî ya Kurdistanê bi dawî hat û piştî wê Serok Bafil Celal Talebanî dupat kir ku Yekîtiya Niştimanî ya Kurdistanê soz dide alîgirên xwe ku nêzîkatî û siyaseta Serok Mam Celal bişopînin û deriyên xwe li pêş ciwanan re vekin.

Serokê Yekîtiya Niştimanî ya Kurdistanê Bafil Celal Talebanî piştî bidawîhatina karê kongireya pêncem di kongirekî rojnamevanî de ragihand: Karê kongireya pêncem bi serketî bidawî hat û gotûbêjên pir û baş hebûn derbarê raporên komîteyan û sîstema navxweyî.”
Serok Bafil wiha li axavtina xwe zêde kir: “Em soz didin hezkiriyên xwe ku em ê nêzîkatî û siyaseta Serok Mam Celal bişopînin û destnîşan kir ku endamên Encumena Serkirdayetî bi yekdengî ji aliyê endamên konferansê ve hatin hilbijartin û ev yek kêfxweşiyeke mezin dide me, m bi serê xwe ji kongreyê derketin.
Serokê Yekîtiya Niştimanî ya Kurdistanê tekez kir: Gelê Kurdistanê dê di paşerojê de rol û bandora Yekîtiya Niştimanî ya Kurdistanê bibîne û emê deriyan li pêşiya ciwanan vekin.


PUKMEDIA