Li Necefê yekem foruma niştimanî ji bo bîranîna Serok Celal Talebanî

Ofîsa Serokkomar

Serokkomar Dr.Ebdul Letîf Reşîd

Îro çarşeme 4/10/2023, di çarçoveya çalakiyên bîranîna şeşemîn salvegera koça dawî ya Serokê Netewe û Welat  Mam Celal li bajarê Necefê yê pîroz, kar û xebata yekem foruma niştimanî birêveçû  bi amadebûna Serokkomar û gelek kesayetiyên siyasî, olî û civakî.

Mam Celal Iraq ji qeyranan rizgar kir

Di destpêka rêûresmê de cenabê Serokkomar Dr.Ebdul Letîf Reşîd gotarek pêşkêş kir û tê de tekezî li ser wê yekê kir ku Serok Mam Celal serokomarê hemû Iraqiyan bû û Iraq ji gelek qeyranên mezin rizgar kir.
Got jî : îro  6 sal piştî koça dawî ya serok Talebanî re derbazbû, duh li Bexdaya paytext û îro jî li bajarê pîroz ê Necefê, salroja wî ya bîhnxweş bi nirx û serbilindî bi bîr anîn. Hilbijartina Necef a birûmet ji bo lidarxistina yekemîn komcivîna neteweyî xwedî wateyeke mezin e û hêjayî hizirkirinê ye, ji ber ku Necef di fikir û reftarên serokê nemir de cih girtiye, ku di gotina wî de wiha hatiye gotin: (Necef hertim navenda çandê, ol û biratiyê  bûye).

Serokkomar: Necef înkubatorê biratiyê ye

Serokkomar eşkere kir: Necef înkubatorê biratiyê , çanda pêkvejiyanê , garantiya îstiqrar û mafên rewa ye  û niha jî şahidê şaristaniya olî, çandî , zanistî û biratî ye, di  danûstendina navbera bira û kurên welat de. Rehmetî Mam Celal çend caran tekezî li ser hikmeta desthilatdarê olî kir ku bi nûnertiya Rêzdar Seyîd Sîstanî, Xwedê wî biparêze, dema ku digot: [Xêr û bereket bû ji bo Iraqê], û Dezgeha Bilind a olî di serxweşiya xwe de ji bo serokomar wiha got: (Rehma Xwedê lê be. ‘’Di mijaran de têgihîştî bû, yekxistina  peyva  û rêzan , di çareserkirina qeyranên piştî rûxandina rejîma berê de roleke girîng lîst û heta niha jî tê bibîranîn û spasiya wî tê kirin.’’

Serok Mam Celal damezrînerê sistema Federal e

Wî got: Belê, ew mezina  nemir di derbazkirina welat ji gelek qeyranan bi ser keft, ji ber ku dîroka têkoşîna hevpar a serokê nemir Mam Celal û birayên wî yên Iraqî di şerê li dijî rejîma berê de rolek di avakirina Iraqa nû de hebû di ya sîstema federal a piralî de. Necef di çand û têkiliya mirovî ya serokê nemir de xwedî pêywendiyeke nêzîk bû, bi kesayetiyên olî, siyasî, zanistî, civakî û edebî yên Necefî re wek alimê nemir Dr. El-Hekîm, şehîdê mihrabê Ayetullah Seyîd Mihemed Baqir El Hekîm, birayê wî Seyîd Evdil Ezîz Hekîm û yên din re, vegotina wî ya helbesta mezintirîn helbestvanê Ereb, Mihemed Mehdî Cewahirî, ji ber ku pêwendiyekî  Serok Mam Celal bi taybet bi helbestvan, nivîskar û rewşenbîrên din re hebû.

Serok Mam Celal piştgirê damezrandina  Enstîtuya El-Alamein bo Lêkolînên Pisporî bû

Wî berdewam kir: Birayên delal, civîna me ya îro li bajarê pîroz Necef, di nav xelkê wê de, û di vê avahîya zanistî ya zexm (Enstîtuya El-Alamein bo Lêkolînên Pisporî) de, ku Serokê nemir di damezrandin û piştgirîkirina wê de alîkariyeke mezin bû, bi bîr anîna rola serokê nemir û hewlên wî yên bi dilsozî di  destpêşxeriya vê  hevkariyê de.Di lidarxistina vê foruma netewî ya yekem de, ji bilî spasî û pêzanîna rola wê ya di piştgrî kirinê de  li ser riya zanistî û akademîk ku ji hemû kesan re vekirî ye, û ez piştrast im ku Serokê nemir û damezrênerê vê avahîsaziyê bi pêşkeftina ku vê destkefta zanistî bi dest xistiye ji me re bextewarî  û kêfxweşîye.

Dezgeha Xêrxwazî ya Behr El-Ulum û Saziya  Serok Talebanî hevbeş û hevpar in

Serokkomar got: Di dawiyê de ji bo min cihê şanaziyê ye ku îro beşdarî vê komcivîna niştimanî bibim û pabendbûna xwe bi nêzîkatî , prensîb û reftarên cenabê Serokkomarê nemir ji bo pêkvejiyanê û parastina yekrêziyê nû bikim di çareserkirina nakokiyan de  bi rêya diyalogê.Herwiha ez pîrozbahiyê li Dezgeha Xêrxwazî ya Behr El-Ulum û Saziya  Serok Talebanî dikim ji ber vê hevkariyê û hevbeşiyê  ku rêya alimê nemir Behrulum û serok Talebanî bihêztir dikin. Xwedê rehma xwe li wan bike, û ev forum dê di salên bê de li bajarên din ên Iraqê berdewam bin wek beşek ji dilsoziya Iraqiyan bi sembolên xwe yên bilind ên neteweyî.
PUKMEDIA