Serok Bafil: YNK piştevaniya yekxistina hêzên Pêşmerge dike

PUKMEDIA

Serok Bafil

Serokê Yekîtiya Niştimanî ya Kurdistanê Bafil Celal Talebanî li baregeha Mekteba Siyasî li Hewlêrê pêşwaziya şandeke bi serokatiya Cîgira Alîkara Wezîrê Derve yê Amerîkayê Victoria Taylor kir.

Di hevdîtinê de pêşhatên siyasî, aborî û emnî yên li Herêma Kurdistanê, Êraq û navçeyê hatin gotûbêjkirin û tekez li ser wê yekê hat kirin ku pêwîste jîngeheke guncaw ji bo rakirina kêşeyên li pêşiya proseya siyasî bi taybetî di navbera Hewlêr û Bexdayê de bê çêkirin bi awayek ku destûr bibe bingeha pêwendiyan.
Serok Bafil Celal Talebanî behsa hevkêşeyên giştî kir û amaje bi berdewamiya hewlên erênî û yasayî bo çareser kirina kêşeyên di navbera Herêm û Êraqê de kir û got: Me daxwaz kir ku her dosyayek girêdayî jiyana welatiyan û mûçeyan dûrî nakokiyên siyasî be, û min gelek mekanîzmayên pêwîst ji me re pêşniyar kirin ku em bi awayekî radîkal vê pirsgirêkê çareser bikin û mafên wan û jiyana welatiyan bi awayekî yasayî misoger bikin.
Li beşekî dinê vê hevdîtinê de û derbarê pirsa jinûve birêxistinkirina hêzên Pêşmerge de, Serok Bafil astengiyên ku vê pêngava niştimanî asteng dikin ji şanda mîhvan re şirove kir û tekezî li ser hebûna vînake bihêz bo derbaskirina pirsgirêkan bo avakirina hêzeke niştimanî bi hevkarîya hevalbendên me kir, û Yekîtîya niştimanî bi hemû awayî piştgiriya serkeftina vê armanca niştimanî dike û rêzê li wekhevî û dadperwerîyê digre.

PUKMEDIA