UNESCO Silêmaniyê wek yek ji bajarên afirîneriya edebî li cîhanê hildibijêre

Kurdistan 12:04 PM - 2023-10-14

Silêmanî

UNESCO ku yek ji rêxistinên ser bi Neteweyên Yekgirtî ye, di konferansa xwe ya salane de ku li Kanadayê tê lidarxistin, bajarê Silêmaniyê weke yek ji bajarên afirîneriya wêjeyî li cîhanê da zanîn.
Parêzgarê Silêmaniyê Heval Ebûbekir ku beşdarî konferansa salane ya UNESCO bû, dibêje: “Di konferansa salane ya Bajarên Afirîneriya Wêjeyî ya UNESCO de, bajarê Silêmanî, Seattle li Amerîkayê û Edinburgh li Skotlandê wek Bajarên dahêneriya wêjeyî na kir  û Silêmanî wek yek ji bajarên serkeftî û diyar di warê afirîneriya wêjeyî de li ser asta cîhanê jî hate naskirin.”

Silêmanî bû mînaka bajarên nûjen ên edebî yên cîhanê

Heval Ebûbekir her wiha got: “Odeya Silêmaniyê jî di konferansê de weke yek ji jûreyên herî çalak û pêwendîdar di nava tora odeyên beşdar di konferansê de hat naskirin, ji ber ku Odeya Silêmaniyê kar û peywendiyên hevbeş ligel piraniya odeyan ji bajarên ku bi awayekî bi bandor û baş beşdarî konferansê dibin organîze kir.”
Parêzgarê Silêmaniyê diyar kir: “Silêmanî yekane bajarê Kurdistan, Iraq û navçeyê bû ku beşdarî xebatên vê foruma cîhanî bû û berhemên wêjeyî û çanda Kurdistanê li ser nexşe û bernameya kar û xebata UNESCO û cîhanê.”

Rêveberiya Rewşenbîrî ya Silêmaniyê ya herî çalak e

Rêveberê Giştî yê Rewşenbîrî û Hunerî li Silêmaniyê Mohsen Adîb di daxuyaniyekê de ji PUKMEDIA’ê re li ser vê bûyera girîng got: “Silêmaniyê bi vê sernavê hebûna hejmareke zêde ya rewşenbîr û nivîskaran li parêzgeha Silêmaniyê ye û got: hebûna gelek çkar û çalakiyên wêjeyî û hunerî li bajêr di hêla  Midûriyeta Çand û Hunerê ya bajêr, ji bo ku çerxa çand û hunerê bi pêş ve biçe, bêyî alîgiriyê xizmetên mezin pêşkêşî nivîskar û rewşenbîran kir.”
Hêjayî gotinê ye ku bajarê Silêmaniyê wek navendeke girîng a çand û hunerê li Kurdistanê tê hejmartin û ji ber wê jî wek paytexta çandê hatiye binavkirin û îro jî gelek zanîngeh, peymangehên dewletî û taybet ên taybetmendiyên curbicur hembêz dike wekû  Zanîngeha Amerîkî û  gelek navendên çandî û hunerî li bajêr û bûyerên çandî û hunerî, rojane û salane hembêz dike.
Silêmanî ji sala 2019an ve heta  9-13.10.2023, bi amadebûna Dr. Rêheval Ebûbekir, Parêzgarê  Silêmaniyê û Şemal Ebûbekir, Koordînatorê Xwebexşê Odeya Silêmaniyê, Konferansa salane ya Bajarên Wêjeya Afirîner a UNESCO li cîhanê li Kvêbêka  Kanadayê hat lidarxistin û Silêmanî tenê bajarê Kurdistan, Iraq û herêmê bû ku beşdarî konferansê bû.
PUKMEDIA