16 Oktober û rojên piştre

Kurdistan 10:35 AM - 2023-10-16

16 Oktober

 Şeş sal berî niha şeva 16-10-2017 Heşdî Şeibî û artêşa Êraqê êrişî hêzên Pêşmerge li devera Beşîr kirin û piştî çend demjimêr berevaniyê, 36 pêşmergeyên Yekîtiya Niştimanî ya Kurdistanê şehîd bûn û çendîn pêşmerge jî birîndar bûn.

Şehîdbûna 36 pêşmergeyên YNKê belgeya rastiya bûyerên 16ê cotmehê ye û ji gelê Herêma Kurdistanê re îsbat kir ku tenê YNKê heta demekê berevanî kir, ji ber ku wek hûn jî dizanin ew deverên ku hêzên YNKê lê tine bûn hatin valakirin.

Çima êrîşên 16’ê Cotmehê rû dan?

Bûyerên 16ê cotmehê û rojên piştî wê jî bertekek li hember referanduma ne plankirî ya 25ê Îlona heman salê bû.
Ji aliyekî din ve, li gor rêkeftina berê ya di navbera berpirsên Êraqê û serokê berê yê Herêma Kurdistanê de di bin çavdêriya fermandarên pilebilind ên Amerîka û hevpeymaniya navdewletî de bû, ne rewşa awarte.  

 Tevgera hêzan bi nefretê tevlîhev bû

Rast e liv û tevgera hêzên Êraqî û cîbicîkirina rêkeftina wan ya berê ligel Herêma Kurdistanê derbarê vekişandina Pêşmerge bo navçeyên berî hatina DAIŞê di 9/6/2014ê de, tevlî kîn û bertek li hember referandumê bû. Çi li ser asta Êraqê, çi li ser asta Herêmî û Nîvdewletî, çi li welatên pêwendîdar bi rewşa Êraq û bi taybet pênc welatên endamên hertimî yên Encûmena Asayîşê, bi taybet Amerîka, çavdêriya rêkeftina Tîrmeha 2016ê ya vekişandina Pêşmerge piştî şerê li dijî DAIŞê kirin.

Herwiha weke ku piştre derketibû holê, du roj beriya referandomê, Wezîrê Derve yê Amerîkayê nameyek ji serokkomarê berê re şandibû ku referandomê were paşxistin.
Ji ber vê yekê jî paşguhkirina pêvajoya bûyeran ji aliyê Amerîkayê ve, bertek bû li hember xemsariya serkirdayetiya siyasî ya Herêma Kurdistanê, ku ne rêkeftina Tîrmeha 2016an û nameya Tillerson li ber çav negirtin. Serokê Herêmê yê wê demê got: "Em hesabê ji gotinên kesekî re nakin!"

 Ma ew wekî ku hatî plan kirin derket?

Bê guman her pirose, çi leşkerî û çi siyasî bi encamên xwe tê nirxandin ji ber ku carinan têkçûna rasterast, nemaze têkçûna leşkerî, bi hêsanî nayê fêhm kirin, Lê ketina şerekî siyasî yan leşkerî ku garantiya têkçûna wê ye û dê bibe sedema ziyanên mezin û wêrankirina xelkê, wê demê berdewamkirina wî şerî ji pêvajoyeke ehmeqî pêve ne tiştekî din e.

Xurmatû bi mînak

Şaşiya wê rojê ya ku li Xurmatû qewimî bû, ji ber ku beriya 16ê Cotmehê li wê navçeyê çendîn şer û pevçûn di navbera kurd û tirkmen, kurd û ereb, erebên şîe û sune, tirkmenên şîe û sunne de rû dabûn û qurbanî jî ketibûn.
  Ji ber wê jî ji ber êrîşên 16ê Cotmehê û ne agahdarkirina hêzên bi giştî ji naveroka rêkeftina berê û hebûna aloziyên berê di navbera komalgehên Xurmatû de û rewşek çêkir ku hemû pêkhate di nava xwe de kom kirin.
Ev şerê newekhev bû sedema paşvekişîna ji nişka ve û ne asayî ya Hêzên Pêşmerge.



PUKMEDIA