16 Oktober pîlana Partî di Kerkûk û axa Kurdistanê bû

Kurdistan 01:35 PM - 2023-10-16

Kerkûk

YNK’ê plan dikir ku komploya 16’ê Cotmehê biparêze ku di encamê de %51 xaka Kurdistanê ji dest da, yekîtî bi xwîna 38 şehîdan û 104 birîndaran di lîwayên 102, 3, 7 û 1 piyade de kariye Kerkûkê biparêze.
  Li hember vê yekê PDK hemû çekên di bin destê xwe de avêt û çeperên xwe yên şer radestî artêş û Heşda Şeibî kir.

Hêzên PDK’ê bê Berxwedan reviyan

Berpirsê Eniya 4ê ya Kerkûkê lîwa Mihemed Qadir ji malpera fermî ya Yekîtiya Niştimanî PUKMEDIA re ragihand: “16ê Cotmehê encama referandum û operasyona leşkerî ya PDK li dijî YNKê bû, lê YNKê bi xwîna 38 şehîdan û 104 birîndaran ew plan pûç kir û Kerkûk ji wêrankirin û rijandina xwîna ciwanên xwe parast. "

“Di 16’ê Cotmehê de tenê YNK’ê Kerkûk parast, hêzên PDK’ê Mexmûr heta Şengal bi dest bû û bi bê berxwedan reviyan  û navçe radestî Hêzên Êraq û Heşdi Şebî kirin, ev jî vê rastiyê îspat dike ku ji bo bidawîkirina hêzên YNKê komplo hebû."

Yekîtiya Nîştimanî û Kerkûk dualîbûnek e ku nayên cudakirin

Ji aliyê xwe ve Berpirsê Ragihandin û Hişyariyê yê Hêza 70 ya Pêşmergeyên Kurdistanê General Ehmed Letîf ji PUKMEDIA re ragihand: “Bûyerên 16ê Cotmeha dirêjkirina zincîreya komployên ku li dijî Yekîtiya Nîştimanî dihatin çêkirin ji bo sînordarkirina bandora wê bû, ji ber ku her kes dizane ku Yekîtîya Niştimanî û Kerkûk dualîbûneke nayên cudakirin, her çiqas hinek hewl bidin, û tekez kirin ku eger ne ji şareza û qehremaniya serkirdeyên Yekîtiya Niştimanî û Pêşmergeyên wê bûya. Kerkûk wê bibûya çarenûsa Efrînê û xwîneke zêde li wir bihata rijandin."

Pêşmergeyên Partî ji lîwayên hevbeş derketin

Fermandeyê Lîwaya Yekem a Piyade yê wê demê Lîwa Rêbwar di daxuyaniyekê de berî niha ji PUKMEDIA re gotibû: “Bi fermaneke taybet a partiyê, Pêşmergeyên Hêza 80 di çarçoveya pêşaniya hevbeş de, xendekên xwe vala kirin bê berxwedan. Bi vekişîna xwe re hemû alavên leşkerî bi xwe re birin.”
Di berxwedana 16ê Cotmehê û parastina Kerkûkê de, Yekîtiya Niştimanî ya Kurdistanê 142 şehîd û birîndar dan û komploya ku li herêmê li dijî wê dihat kirin pûç kir.
Herwiha piştî 16ê Cotmeha îsal, Yekîtiya Niştimanî ya Kurdistanê yekane partiya Kurdistanî bû ku Kerkûkiyan bi tenê nehişt û çawa ku di dema borî de bajar ji terorîstan parast, li hember neheqî û binpêkirinên li dijî hemwelatiyên Kurd û hemû pêkhateyên Kurdistanê jî rawestiya.

PUKMEDIA