Serokên buro û desteyên Ragihandin û hişyariyê destbikarbûn

PUKMEDIA

Berpirsên Nû yên Ragihandinê

Di merasîmekê de rêheval Îmad Ehmed ji bo berpirsê Buroya Ragihandinê, rêheval Letîf Nêrweyî weke Serokê Desteya Ragihandinê û Necmedîn Feqê Ebdullah jî weke berpirsê Desteya Hişariyê  hatin destnîşankirin. Rêheval Stran Abdullah endamê meclîsa serkirdayetiyê pêşwaziya serokên nû yên buro û desteyan kir.
Roja 22.10.2023`an li baregeha Buroya ragihandin û hişariyê  bi amadebûna endamên bûroyê û berpirsên kanalan, rêûresma pevguhertina berpirsên bîroya ragihandin û hişariyê  destbikarbûna berpirsên desteyê birêve çû. 
Serokê berê yê Buroya Ragihandin û Hişariyê Stran Ebdullah bixêrhatina rêheval Îmad Ehmed, Letîf Nêrweyî û Necmeyn Feq Ebdullah kir û bi boneya postên wan ên nû pîrozbahî li wan kir û got: “Di demên borî de weke tîmekê ligel hevalên Buroyê kar kirine û bûne berpirsê armanc, peyam û erkên ragihandina YNKê. Wî got: “Ew ê wekî nivîskar û rojnamevanekî her tim piştgiriyê bide çapemeniyê.’’
Rêheval Îmad Ehmed Berpirsê Buroya Ragihandin û Hişariyê  spasiya rêheval Stran Ebdullah kir ku di erkê xwe yê nû de weke berpirsê desteya siyasî ya YNK`ê destbakrbû û got: “Em ê ji bo pêşxistina ragihandina Yekîtiya Niştimanî ya Kurdistanê (YNK)   wek tîm û arasteyek medyayî kar bikin ji bo  nêrîna siyasî ya YNKê û armanc û peyamên YNKê bi zelalî ragihînin, bi şêwirîn û stratejî ji bo pêşerojeke geştir.’’
Serokê Buroya Ragihandin û Hişariye  wiha got:  “YNK berdewam dibe di rêya Serok Mam Celal de  û piştî kongreya pêncemîn nêrîna YNKê diyar e  ku bi rêya YNKê xizmeta gel, Kurd û Kurdistanê bike.’’
Wî rayedarê YNKê eşkere kir ku medyaya YNKê ji destpêkê ve xwedî dîrokeke baş û geş bûye û dibistaneke perwerdekirina bi sedan kadro, nivîskar û rojnamevanan e, ji ber wê jî di qonaxa nû de emê şiyana mirovî û medyayî ya YNKê pêş bixin.
Serokê Desteya Ragihandinê Letîf Nêrweyî jî bal kişand ser rola rêheval Stran Ebdullah di Rigihandinê de   û wiha got: “Bi piştevaniya hemû aliyan û stratejiyeke nû, emê kar li ser pêşxistina gotara medyayî ya YNKê bikin û bi giştî şiyanên wê ji bo xizmetkirina YNKê û ji wir jî bo xelkê bikar bînin.’’
Ji aliyê xwe ve serokê desteya hişyariyê Necmedînî Feqe Ebdullah behsa rola Stran Ebdullah kir.  "Di avahiya nû ya Buroya Ragihandinê de desteya hişyariyê hat zêdekirin û li kêleka erka çapemeniyê dê girîngiyeke tam û paralel bidin hişyariyê."
PUKMEDIA