Îmad Ehmed: YNK li eniya gel û xizmetguzariyê daye

PUKMEDIA

Îmad Ehmed bi desteya ragihandinê re dicive

Roja Çarşemê 25/10/2023 yekemîn civîna Desteya Ragihandinê bi çavdêriya Berpirsê Buroya Ragihandin û Hişariyê rêheval Îmad Ehmed hate lidarxistin.
Di civînê de Serokê Desteya Ragihandinê Letîf Nêrweyî amade bû, rêheval Emad Ehmed gotarek berfireh li ser rewşa giştî ya welat û erk û berpirsyariya ragihandina YNKê di vê derbarê de pêşkêş kir ku ji bo xizmetkirina berjewendiyên giştî ye û  xetên giştî yên karê medyayî yên YNKê li gor şert û qonaxa îro û tekezî li ser pabendbûna bi prensîbên xebata ragihandinê û durustî, bi rêzgirtina etîka rojnamevanî ji  hevalan şîrove kir.Her wiha ji hevalên amadebûyî re jî diyar kir ku di çarçoveya parastina pêkhateyên herêmê de û gihandina siyaseta rast a YNK’ê ji bo xizmetkirina gel, çawa kar bikin.
Rêheval Îmad Ehmed li ser siyaseta nû ya YNKê piştî kongreya pêncemîn,wekû yek tîm û yek biryar li ser mijarên giştî axivî û diyar kir ku xetên giştî yên YNKê di çarçoveya siyaseta aqilane ya serok Mam Celal de bê birêvebirin û YNK dê li ser eniya gel bimîne û xizmet bike û bigihê mafên destûrî û yasayî yên gelê kurd. Divê medyaya YNKê wek her carê di xizmeta van armancên bilind de be.
Di beşeke din ya civînê de, Rêheval Letîf Nêrweyî Serokê Desteya Ragihandinê, bernameya nû ya medyayî ya YNKê pêşkêş kir û tekezî li ser yekxistina gotara medyayî û rêkxistina saziyan bi awayekî ku li gorî têkoşîna rêxistinî ya îroyîn be, kir.
Piştre li ser mekanîzmayên organîzekirina çapemeniyê û pêkanîna erkên bi awayekî ku di xizmeta gel de be, nîqaşeke vekirî hate kirin.
PUKMEDIA