Berdevkê YNK: Amadekarî bo komcivînên aliyên siyasî tê kirin

PUKMEDIA

Berdevkê YNK Saidî Ehmed Pîre

Yekîtiya Niştimanî ya Kurdistanê hewl dide li gel aliyên siyasî bicive û li ser destpêşxeriya serok Bafil Celal Talebanî serokê Yekîtiya Niştimanî ya Kurdistanê bo yekkirina rêz û halwêst li Herêma Kurdistan û Bexdadê kar bike.

Berdevkê Yekîtiya Niştimanî Saidî Ehmed Pîre di daxuyaniyekê de ji PUKMEDIA yê re ragihand ku piştî lidarxistina pêncemîn kongreya YNK û di civîna yekem a Buroya Siyasî de serok Bafil destpêşxeriya xwe bo yekxistina rêz û halwêst ragihand, û ji bo vê armancê yekîtî wê di gel aliyên din û partiya democrat hevdîtin bike.
Got jî: Desteya peywendîyên Kurdistanê amadekariyên xwe dike û dê peywendiyê bi aliyên siyasî re bike daku bi wan re bicive û diyar kir, Kurd bi yekkirina helwest û gotara xwe, dikarin rûbirûyê kêşeyan bibin û destkeftên mezintir bo gelê me bi dest bixin.
Ji aliyê xwe ve, endamê Encûmena Serkirdayetiyê û berpirsê Desteya Pêwendiyên Kurdistanê Seler Serhed di daxuyaniyekê de ji PUKMEDIA re ragihand: “Destpêşxeriya Serok Bafil Celal Talebanî di derbarê yekrêziya pile û postê di xizmeta welatiyan de ye û ji bo bidestxistina berjewendiyên giştî ye, û Yekîtiya Niştimanî dixwaze nakokiyên di navbera partiyên kurdî de bi dawî bike û yekrêziya rêzê di navbera partiyan de pêk bîne.

PUKMEDIA