Hevpeymaniya Yekîtiya Nînewa bo vegerandina koçberan kar dike

YNK 09:47 PM - 2023-11-03

Hevpeymaniya xelkê Nînewa

Hevpeymniya Yekîtiya Xelkê Nînewa jimare 134 bo hilbijartinên encumenên parêzgehan, kar dike ji bo vegerandina awareyên parêzgeha Nînewayê bo cihên xwe yên resen, bi rêya dabînkirina hemû xizmetguzariyên pêwîst û xaniyan ji wan re û qerebûkirina wan bi awayekî guncaw.

Hevpeymaniya Xelkê Nînewa ku ji partî û hejmarek ji namzedên şareza û xwedî ezmûn û pispor pêk tê, kar dike bo xizmetkirina beşên curbicur li parêzgeha Nînewa û kariye giyana pêkvejiyana di navbera hemû pêkhateyên netewî, olî û mezhebî de pêk bîne û bihêz bike.

Dabînkirina xaniyan ji bo koçberan

Namzeda Hevbendiya Xelkê Nînewa Leyla Efdal Nûrî ji PUKMEDIA re ragihand: Em dê kar bikin daku xaniyan ji awareyan re peyda bikin ji ber ku piraniya malên wan di encama şerê parêzgeha Nînewa de wêran bûne.
Wê got jî: Emê di Hevpeymaniya Xelkê a Nînewayê de kar bikin ji bo qerebûkirina awareyan û alîkariya wan di avakirina malên xwe de yan peydakirina xaniyên nû ji wan re, û li şûna ku em pere bidin wan dema ew li kampan in, divê em pereyan bidin wan, da ku karibin di nava bajarê xwe de bijîn.

Parastina mafên koçberan

Leyla Efdal Nûrî dibêje: Em di Heveymaniya Xelkê Neynewayê de dê kar bikin ji bo hêsankirina danûstandinên şehîdan bo malbatên aware yên ku zarokên xwe ji dest dane, û eger em beşdarî Encûmena Parêzgeha Nînewa bibin, emê kar û piştevaniya awareyan bikin ji bo bidestxistina mafên xwe li Bexdayê.
Wê got jî: Emê kar bikin ji bo peydakirina hemû xizmetguzariyan ji welatiyên parêzgehê re,Bi taybetî koçberên bajarê Kevin derbider bûne, divê ev dever bi awayekî rêkûpêk bê avakirin û vegere rewşa berê, em ê ji bo dabînkirin û daxwaza mafên hemû welatiyan li parêzgeha Nînewa kar bikin.

vegerandina koçberan bi rêyên qanûnî

Namzedê Hevpeymaniya xelkê Nînewa Xalid Silêman Şerîf ji PUKMEDIA re ragihand: Em dê bi piştevaniya xelkê parêzgeha Nînewa kar bikin bo vegerandina awareyan bi rêyên yasayî.

Wî her wiha got: Em dê kar bikin ji bo cîbicîkirina yasayên ku alîkariya awareyan dikin, qerebûkirina wan, dabînkirina xanî ji wan re, û dabînkirina mercên guncaw ji bo vegera wan.

Vegera dilxwazî

Xalid Silêman Şerîf dibêje: Emê kar bikin ku hemû xizmetguzariyên serekî ji awareyan re pêşkêş bikin û wan teşwîq bikin ku vegerin malên xwe, ji bo ku koçber bi awayekî xwebexş vegerin cihên xwe yên resen.
Got jî: Emê kar bikin bo dabînkirina ewlehî û asayîşa awareyan û rê li ber vegera wan bi şêweyekî minasib û guncaw vekin, ji ber ku eger xanî û xizmetguzarî ji wan re hebin, bêguman dê bi awayekî xwebexş vegerin malên xwe.

Zêdeyî 120 hezar kes li kampan koçber bûne

Berpirsê ragihandinê yê navenda rêxistina Nînewa ya Yekîtiya Niştimanî ya Kurdistanê Xeyas Sûrcî ji PUKMEDIA re ragihand: Hêj zêdetirî 120 hezar aware li kampan mane.
Got jî: Ev kes di kampên parêzgehên Duhok û Silêmanîyê de dijîn û di nav wan de 40 hezar kes li parêzgaha Duhokê mafê dengdanê di helbijartinan de hene û 5 hezar kes jî mafê dengdanê li kempa Silêmaniyê hene.
PUKMEDIA