Talebanî: Rê li binpêkirinên jîngehê bigirin

PUKMEDIA

Civîna Qubad Talebanî ya li ser jîngehê

Cîgirê serokwezîr Qubad Talebanî serpereştiya civînekê li ser jîngeh kir û têde behsa rênimayên nû yên jîngehparêzî kir û tekezî li ser cîbicîkirina wan kir, daku baştir rê li ber binpêkirinên jîngehê bê girtin.
Di civîna îro 06.11.2023ê de li Hewlêrê bi amadebûna Serokê Lijneya Jîngehê, wezîr û aliyên peywendîdar, raportek derbarê tedbîr û rênimayên nû yên di warê jîngehê de hat pêşkêşkirin.
Cîgirê serokwezîr got ku yek ji sedemên lawaziya pabendbûna bi rênimayiyên jîngehê, nebûna hemahengî û çavdêriya hûr li ser pirojeyên cîbicîkirî ye, ji ber vê yekê, divê mekanîzmayek guncaw di navbera aliyên peywendîdar de hebe ku bi berdewamî projeyan bişopînin da ku lihevhatina wan bi pîvanên jîngehê re misoger bikin.
Di beşeke din ya civînê de behsa mekanîzma cîbicîkirina wan rênimayiyên nû hate kirin û tekez li ser wê yekê hate kirin ku divê ew rênima ji wezaret û dezgehên hikûmî û aliyên peywendîdar re werin şandin daku rê li ber binpêkirinên jîngehparêziyê bigrin.
PUKMEDIA