Letîf Nêrweyî: Danûstandinên YNK û PDKê di dema guncaw de ne

PUKMEDIA

Letîf Nêrweyî

Endamekî Serkirdatiya Yekîtiya Niştimanî ya Kurdistanê (YNK) dibêje, rewşa niha ya Herêma Kurdistanê, navçeyên nakok  û Bexdayê dikare bibe rewşeke baş ji bo danûstandinên navbera YNK û PDKê û aliyên siyasî yên Kurdistanê bi taybetî YNK û PDK bi rêya danûstandinan kar bikin ku divê Kurd dengên herî zêde bi dest bixin û di encumena parêzgeha Kerkûkê de herî zêde kursî hene.”
Endamê Serkirdatiya Yekîtiya Niştimanî ya Kurdistanê (YNK) Letîf Nêrweyî di gotarekê de ku di beşa Nêrîn  ya PUKMEDIA de hatiye belavkirin, dibêje:"Li ser daxwaza Serok Bafil, şanda bilind a YNK û PDKê dê gereke din a danûstandinan li bajarokê Pîrmamê wê  pêk bînin, rewşa niha ya Herêma Kurdistanê, navçeyên nakok û Bexdayê dikare bibe rewşeke guncaw ji bo danûstandin û pêşketina danûstandinên navbera YNK û PDKê û bigihêje hevtêgihiştinê.’’
“Pêwîste hemû aliyên siyasî yên Kurdistanê bi taybet YNK û PDK bi rêya danûstandinan hewl bidin ku li Kerkûk û navçeyên nakok  ên Kurdistanê kampaniyeke aştiyane were lidarxistin û hevrikî ligel pêkhateyên din be û em jî weke Kurd dikarin herî zêde deng û kursiyên encûmena parêzgehê bi dest bixin û bi planeke hevbeş xwe ji qonaxa piştî hilbijartinan re amade bikin û aramiyê ji bo Kerkûk û navçeyên nakok bînin.’’ Letîf Nêrwayî got
Her wiha got:“Ev gera danûstandinan dikare bi nêrînek erênî were dîtin, ji ber ku danûstandinên demdirêj ên navbera YNK û PDKê û berdewamiya rewşa awarte ya di navbera her du aliyan de ye, vê carê çend pirs û bersivan bi xwe re anîne. Her du alî ne kêfxweş in bi  ezmûna danûstandinên berê ,lê dikare bersiva pirsan vê carê ji bo gelên herêmê xweş bibe.’’
PUKMEDIA