Daxuyaniya hevbeş a YNK û PDK'ê

PUKMEDIA

Şanda YNK û PDKê li Pîrmamê dicivin

Civîna her du şandên bilind ên Yekîtiya Niştimanî ya Kurdistanê (YNK) û  Partiya Demokrata Kurdistanê (PDK) bi dawî hat û piştî civîna li Pîrmamê daxuyaniyeke hevbeş belav kirin.
Daxuyaniya civîna hevbeş a Partiya Demokrata Kurdistanê û Yekîtiya Niştimanî ya Kurdistanê
Sêşemî 07.11.2023, li navenda Mekteba Siyasî ya Partiya Demokrata Kurdistanê (PDK) li Pîrmamê, civîneke hevbeş di navbera Yekîtiya Niştimanî ya Kurdistanê (YNK) û Partiya Demokrata Kurdistanê (PDK) de birêve çû.
Di hevdîtinê de rewşa Herêma Kurdistanê û Iraqê bi taybetî û rewşa hestiyar a navçeyê bi giştî hate gotûbêjkirin.
Her du aliyan tekezî li ser hevahengî û hevkarî û pêwîstiya komkirina hêz û karîna hemû aliyên siyasî ji bo parastina qewareya Herêma Kurdistanê û danîna stratejiyek hevpar kirin, ku li gorî rewşa bûyer û guhertinên vê qonaxê be.
Her du alî hevnêrîn bûn li ser bihêzkirina xalên hevbeş û çareserkirina pirsgirêkan  di çarçoveya berjewendiyên netewî yên Kurdistanê de.
Di mijareke din a civînê de, tekezî li ser piştevanîkirina pêngavên Hikûmeta Herêma Kurdistanê ji bo dabînkirina mafên darayî û mûçeyên Herêma Kurdistanê di çarçoveya destûra hertimî ya Iraqê de, kirin.
Di dawiyê de jî biryar hat dayîn ku civînan berdewam bikin û ji bo vê yekê jî mîkanîzmeke guncaw hat diyarkirin. Hêjayî gotinê ye ku civîn di atmosfereke aram û erênî de birêve çû.”
Yekîtiya Niştimanî ya Kurdistanê (YNK) û  Partiya Demokrata Kurdistanê
PUKMEDIA