Karwan Yarwais: Divê dema Komîsyona Hilbijartinan were dirêjkirin

PUKMEDIA

Karwan Yarwês

Parlamenterê parlamentoya Iraqê dibêje:“Eger dema Komisyona Bilind a Serbixwe ya Hilbijartinan neyê dirêjkirin, nikare proseya cudabûn, verastkirin, çareserkirina giliyan û pesendkirina encamên dawî yên hilbijartinên encumenên parêzgehên Iraqê birêve bibe û amadekariyên xwe ji bo hilbijartinên parlamentoya Kurdistanê berdewam bike."
Endamê Parlamentoya Iraqê Karwan Yarwês ji PUKMEDÎA'yê re got: "Pêwîste parlamentoya Iraqê beriya destpêkirina bêhnvedana yasayî ji bo dirêjkirina dema Komîsyona Bilind a Serbixwe ya Hilbijartinan civînekê li dar bixe."
"Emrê komîsyonê di 7ê Çileya sala bê de bi dawî dibe û parlamento jî di 10ê Çileya sala bê de bi dawî dibe. Piştî bidawîbûna hilbijartinên encumenên parêzgehan, wê 19 rojan erkê komîsyonê hebe,wê demê nikare proseya cudabûnê, pişkinînê, çareserkirina giliyan û pesendkirina encamên dawî bimeşîne û amadekariyên xwe ji bo hilbijartinên parlamentoya Kurdistanê nabe berdewam bike, ji ber wê jî pêwîste dema xwe dirêj bike. ‘’Her wiha got
Wî got:“Tevî ku diviyabû Civata Nûneran di 9’ê Mijdarê de biçûya bêhnvedanê, lê heta niha serokê parlamentoyê bi fermî ti daxuyanî nedaye û hejmara rûniştinên ku divê di her rûniştina yasayî de were lidarxistin, temam nebûne û çend rûniştin mane.’’
PUKMEDIA