Beriya 13 sala Mam Celal careke din bû Serokkomarê Iraqê

PUKMEDIA

Serok Mam Celal

Di 6'ê Nîsana 2005'an de Meclîsa Neteweyî ya Iraqê Mam Celal wek serokkomarê nû yê Iraqê hilbijart û di 11'ê Mijdara 2010'an de ji bo cara duyemîn hate hilbijartin.
Serok Mam Celal bi jinûve bijartina xwe bû yekemîn siyasetmedarê kurd di dîroka Iraqê de ku postê serokomariyê wergirt û  yekem serokomare  ku ji aliyê parlamentoya Iraqê ve hat hilbijartin di dîroka Iraqê de. Ew yekem serokomarê Iraqê ye ku li gor destûra nû hatiye hilbijartin.
Di serdema Serok Mam Celal de lihevhatin û biratî bi siyaseta aqilane ya Serok Mam Celal pêk hat. Ew di nav partiyên siyasî yên Iraqê de çalak bû û ji aliyê Mercayê Bilind ê Şîeyan Ayetullah Seyîd Elî Sîstanî ve navê Semamî Aman jê re hat dayîn.
Piştî nexweşiya Serok Mam Celal, Iraq di rewşek siyasî ya gelek nebaş re derbas bû û gelek pirsgirêkên siyasî û olî li Iraqê rûdan û siyasetmedarên mezin jî şahidiya wê dikin.  Li gorî siyasetmedarên mezin ên cîhanê, Iraq û kurd, yekane kesê ku kariye hevsengiya siyasî di navbera aliyên siyasî û beşên cuda yên Iraqê de biparêze, Serok Mam Celal bû.
Celal Talebanî, kurê Husenmeddîn, kurê Nurullah Talebanî, di 12ê Mijdara 1933an de li gundê Kalkaniyê li quntara Çiyayê Kosretê ji dayîk bûye, bavê wî bûye serokê Takya Talabanî li Koyê, xwendina xwe ya seretayî li wir qedandiye û xwendina xwe ya amadeyî li Kerkûk û Hewlêrê qedandiye. 
Di sibata 1953an de yekemîn kongreya Yekîtiya Xwendekarên Kurdistanê li dar xist û wek sekreterê giştî yê wê rêxistinê hat hilbijartin û di heman salê de bû yek ji damezrînerên Yekîtiya Ciwanên Demokrat ên Kurdistanê û di sala 1959an dem Koleja Yasa li Bexdayê qedandiye.
Di roja 18.12.2012ê de rewşa tendirustiya Serok Mam Celal li Bexdayê ne aram bû. Piştî nexweşiya Serok Mam Celal, Iraq û gelê wê rastî pirsgirêkên mezin hatin, ji bilî şerê mezhebî di navbera şîe û sunniyan de, heta şerê Kurd û Ereban jî dest pê kir .Serok Mam Celal  li bajarê Berlînê yê Almanyayê li nexweşxaneyekê krîza dil derbas kir.
PUKMEDIA