Talebanî: Divê pirsgirêk bi yasa û destûrê bên çareserkirin

Ofîsa Qubad Talebanî

Cîgirê Serokwezîr û Nûnerê NY

Cîgirê Serokwezîr Qubad Talebanî li gel Serokê Koma Serbixwe ya Çavdêriya Stratejîk a Komîseriya Bilind a Penaberan a Neteweyên Yekbûyî (UNHCR) li Iraqê (UNAMI) Volker Perses civiya û di hevdîtinê de pêşhatên dawî û guhertinên siyasî yên li Iraq û Herêma Kurdistanê hatin gotûbêjkirin.
Civîna îro çarşemê 15-11-2023 li bajarê Hewlêrê hat lidarxistin û Cîgirê Berpirsê Fermangeha Peywendiyên Derve ya Hikûmeta Herêma Kurdistanê Daban Şadala jî tê de amade bû , balkişandin li ser rola tîma NY di hewlên çareserkirina pirsgirêkan de.
Qubad Talebanî spasiya rola wan ya giring kir û amaje bi hewlên UNAMI kir bo alîkariya aliyên siyasî yên Iraqê bo parastina ewlehî , aramiyê û çareserkirina pirsgirêkan bi diyalogê.
Di beşeke din ya hevdîtinê de rewşa navxwe ya Herêma Kurdistanê û peywendiyên navbera Herêma Kurdistanê û Bexdayê hatin gotûbêjkirin û Cîgirê Serokwezîr got:’’Gotûbêjên Herêma Kurdistanê û Bexdayê berdewam in û armanc jî çareserkirina pirsgirêkan bi rêya yasa û destûrê ye.’’
Di hevdîtinê de Volker Perses plan û bernameyên UNAMI yên ji bo pêşerojê pêşkêş kirin û got: “Ew amade ne ku bi Iraqiyan re hevahengiyê bidomînin.’’
PUKMEDIA