Talebanî: Hêvîdarin vekirina konsulxaneya Qeter pêwendiyan xurt bike

Nivîsgeha rojnamebanî yê Qubad Talebanî

Qubad Talebanî û Konsulê Qeter

Îro pênşemî 16.11.2023 li bajarê Hewlêrê, Qubad Talebanî Cîgirê Serokwezîrê Herêma Kurdistanê pêşwaziya Husên Elî Salih El-Fedala Konsulê Giştî yê Qeterê li herêmê kir û di civînê de çendîn mijarên balkêş gotûbêj kirin.

Di destpêka hevdîtinê de Konsulê Qeterê silavên Şêx Mihemed Bin Ebdulrehman Bin Casim Al Sanî serokwezîrê Qeterê gihandin Qubad Talebanî. Li beranber da cîgirê serokwezîr pîrozbahî li konsulê Qeterê kir ji ber destbiserkirina erkê xwe û vekirina konsulxaneya Qeterê li navçeyê û hêvî xwest ku ev yek bibe sedema bihêzkirina peywendiyên dualî di hemû waran de.
Herdu alîyan behsa rewşa veberhênanê li Kurdistanê kirin û Qubad Talebanî amaje bi wê yekê kir ku derfetên mezin ji bo veberhênanê li herêmê hene û hikûmet jî di vî warî de îmkanên pêwîst dabîn dike û daxwaz ji konsulê kir ku daxwazê ji kompanyayên Qeterî bike ku di warên cuda de veberhênanê li Herêmê bikin. Konsulê Qeterê amadeyiya xwe ji bo hevkarî kirina di vî warî de nîşan da, biryare li dawiya îsal şandeke bazirganiyê ya Qeterê serdana herêmê bike.


PUKMEDIA