Pêşxistina rastiya jîngehê û rakirina zibilxanê

Kurdistan 02:50 PM - 2023-11-24

YNK li Kekûk

Lîst û namzedên Yekîtiya Niştimanî ya Kurdistanê ji bo hilbijartinên encumenên parêzgehan hewl didin rastiya jîngehparêziyê li hemû parêzgehan pêş bixin û lîsteyên Yekîtiya Niştimanî tekez kirin ku ew dê kar bikin ji bo dabînkirina hemû pêdiviyên ji bo pêşxistina asta jîngehê û zêdekirina park û qadên kesk.

Dermankirina qirêjiya jîngehê

Namzedê jimare 23 yê hevpeymaniya Kerkûkê, Hêza me û îradeya me ya jimare 142, Şao Rojbeyanî ji PUKMEDYA re ragihand: Lîsteya me ji bo baştirkirina rastiya jîngehparêziya parêzgeha Kerkûkê kar dike.
Got jî: Atmosfera Kerkûkê pir pîs e û rêjeya nexweşên penceşêrê ji ber pîsbûna jîngehê bi berdewamî zêde dibe û emê kar bikin bo cîbicîkirina çend projeyan bo başkirina rastiya jîngehê.
Got jî: Emê kar bikin bo belavkirina kembera kesk li ser der û dorên Kerkûkê, giringîdan bi baxçeyan, handana welatiyan bo çandina daran û handana kompanyaya petrola Bakur bo avakirina parkên mezin li Kerkûkê bo rêgirtina li pîsbûna jîngehê û ava kirina jîngeheka saxlem bo xelkê parêzgeha Kerkûkê.

Paqijkirina bajaran û rakirina çopê

Namzedê jimare 19 lîsta jimare 134 ya Yekîtiya Gelan a Nînowa Mihemed Hesen ji PUKMEDIA re ragihand: Em ê ji bo belavkirina çanda jîngehê li bajarên parêzgeha Nînowa kar bikin û ji bo paqijkirina bajaran, rakirina bermah û çopê di nava bajaran de û jinavbirina  wan bi awayekî şaristanî.
Got jî: Lîsteya me jî kar dike ji bo giringîdan bi sektora jîngehê û parastina wê, pêkanîna kempînên paqijkirinê li bajar û bajarokên parêzgehê ji bo baştirkirina jîngehê, zêdekirina park û cihên kesk li parêzgehê û pêkanîna kempînên çandina daristanan.
Wî di berdewamiya axaftina xwe de got: "Em ê pêdiviyên mirovî û lojîstîkî ji bo komkirin û rakirina çopê û bermayiyên nav bajar û bajarokan dabîn bikin û çavkaniyên qirêjiya jîngehê ji holê rakin."

Eleqeya li ser sektora tûrîzmê

Namzeta jimare 16 ya lîsteya Yekîtiya Niştimanî ya Kurdistanê li parêzgeha Diyalayê ya jimare 120 Dr.Esûda Mihemed ji PUKMEDIA re ragihand: Em ê kar bikin ku giringiyê bidin sektora tenduristiyê, bajaran paqij bikin û projeyên ku sûdê ji rastiya jîngehê werbigirin pêk bînin.
Wê got jî: Emê kar bikin bo dabînkirina pêwîstiyên mirovî û lojîstîkî ji bo komkirin û rakirina zibil û paşmayiyan li nav bajar û bajarokan û avêtina wan bi awayekî saxlem û zanistî.
Wê got: Em ê bixebitin ku bala xwe bidin sektora geştiyariyê û bernameyên guncaw ku geştiyaran bikişîne bi pêşdebirina sektora geştiyariyê ku derfetên kar ji ciwanan re dirust dike û perwerdekirina kadroyên akademî û çalakvanan li ser hişyarî û parastina jîngehê.
PUKMEDIA