Qubad Talebanî: Ji bo pêşxistina rastiya jinan pêdivî bi çalakiyan heye

PUKMEDIA

Qubad Talebanî

Cîgirê Serokwezîrê Herêma Kurdistanê Qubad Talebanî tekez kir ku hikûmet baweriya xwe bi mafên jinan û têkoşîna rewa ya parastina mafên wan heye û em ê hewl bidin hemû tometbarên tundûtûjiya li dijî jinan radestî dadgehê bikin.

Qubad Talebanî di axaftina xwe ya bi boneya destpêkirina çalakiyên Hefteya rûbirûbûna tundiya li ser jinan de got: Ji bo pêkanîna edaletê û bidestveanîna mafên jinan pêwîstiya me bi çalakiyên bi komî heye, lê mixabin heta niha me nekariye mijara tundiya li ser jinê bikin mijara xwe.
Got jî: Îro em ji bo armanceke pîroz kom bûne, û ez kêfxweşim ku bi dehan rêxistinên civaka sivîl hene, û tevî hemû astengîyên ku rûbirûyê wan dibin, kar dikin bo rûbirûbûna tundûtûjîya li dijî jinan, û ev pêngavek e ber bi rêya rast ve ye lê ev kar tenê bi rêya hikûmetê û rêxistinên civaka sivîl ve nayê kirin, lê divê em hemû vê yekê bibe xema me hemûyan.

Qubad Talebanî got jî: Eger em rastgo nebin, em nikarin çareseriyên rasteqîne û bilez ji pirsgirêkan ra bibînin û tiştê ku ez dibînim ew e ku heta niha dosya rûbirûbûna tundûtûjîya li dijî jinan û tundûtûjiya nav malê, dosyayek e ku ji aliyê civakê ve û beşek ji beşên siyasî, civakî, hunerî û çandî ve hatiye paşguhkirin, di civaka me de rastî pirsgirêkên aborî, xizmetguzarî û siyasî hene, lê hemû pirsgirêk bi hev ve girêdayî ne nabe 2 pirsgirêkan çareser bikin û pirsgirêkên din jî paşguh bikin, ger dosyaya jinê nebe dosyaya hemû pêkhateyên civakê, em ê nikaribin di warên aborî, demokrasî, azadiya derbirînê û serweriya qanûnê de pêş bikevin.  Aborî bi pêş nakeve ger deriyê bazaran li ber nîvê civakê girtî be. Demokrasî pêş nakefe ger nîvê civakê nûnerên xwe hilnebjêrin. Çareseriya pirsgirêkan bi dadwerî û wekhaviyê tên kirin.

Cîgirê Serokwezîrê Herêma Kurdistanê got jî: Divê em rewşa jinan geş bikin û tundiya li ser wan tê kirin bi dawî bînin û ev kar ji nav mala me dest pê dike û divê em vê xemê hilgirin û ji bo perwerdekirina civakê û pêkanîna edaletê kar bikin. divê em bi hev re kar bikin, bi baweriya min ne tenê ji bo nifşên niha lê ji bo nifşên paşerojê jî divê kar ji bo bilindkirina hişyariyê bê kirin û ji bo pêşxistina rastiya jinan li Herêma Kurdistanê, pêwîstiya me bi hizir û çalakî heye.


PUKMEDIA