Serok Bafil bi helkefta bidawîhatina erkê fermandarê hêzên 70 rêzê wî girt

PUKMEDIA

Yekîtiya Niştimanî ya Kurdistanê

Bi amadebûna Bafil Celal Talebanî Serokê Yekîtiya Niştimanî ya Kurdistanê û Cefer Şêx Mistefa Cîgirê Serokê Herêma Kurdistanê û beşdariya hejmareke zêde ji berpirsên hikûmetê, hizbî û leşkerî û serkirde û efserên Pêşmerge bii boneya bidawîhatina erka wî û şandina wî ji bo xanenişîniyê, merasîmek rêzgirtin û xatirxwestina bo Fermandarê Hêzên 70 Mistefa Çawraş li navenda fermandeyê birêve çû.
Di merasîmê de Serok Bafil Celal Talebanî amaje bi dîroka dewlemend a tekoşîna Fermandar M Mistefa Çawraş di Şoreşên Eylûlê û Şoreşên Nû de kir û got: Yekîtiya Niştimanî ya Kurdistanê rola dilsoz Mistefa Çawraş û hevalên wî yên têkoşer ku nûneratiya wî dikin ji bîr nake ku sembola wêrekî û îdeala berxwedan û têkoşîna Kurdistanê û azadiya gelanin.”
Serok Bafil Celal Talebanî di destpêka axaftina xwe de destnîşan kir: " Mistefa Çawraş li her cihê ku berpirsyariya wî bû, bi dilpakî û dilsozî erkên xwe bi cih anî û ev yek bû sedema baweriya her kesî û ji ber vê yekê em xwe deyndarê wî dibînin bo dîroka geş, ku tu carî ji rêya rast a têkoşînê derneket."
Serok Bafil Celal Talebanî jî spasiya Mistefa Çawraş  kir ji bo hewlên wî yên bibandor di ji nû ve birêxistinkirina Hêzên 70 de, ku di vî warî de roleke berçav hebû.
Ji aliyê xwe ve Cefer Şêx Mistefa rola Mistefa Çawraş di şerê çekdarî yê ji bo azadiya Kurdistanê de bilind nirxand û tekez kir ku ew di serkeftinên Hêzên Pêşmerge de roleke girîng hebû.
Sererkan Orgeneral Omer Salih jî di gotarekê de piştgirî û alîkarîya berdewam ya fermandarê hêzên 70 di piroseya birêxistinkirina hêzên pêşmerge de bilind nirxand û got: “Hêzên me têk naçin,ber dilsozî û şiyana fermandarê wan e û em xwe deyndarê wî dibînin.”
Mistefa Çawraş di axaftina xwe de ji amadebûyan re spasî û pêzanînên xwe yên ji bo nirxandina Rêbertiyê anî ziman û diyar kir ku ew bi beşdarbûna xwe ya di têkoşîna azadiya Kurdistanê de serbilind e û wiha got: “Ez ê di rêya têkoşîna azadiya Kurdistanê de dimeşim rêya şehîdan û xizmeta gel dikim û ez ê bi heman coş û kelecana berê rêya Serok Mam Celal bişopînim.”
Di dawiya merasimê de çendîn xelatên fexrî ji bo erkdarkirina Fermande Mistefa Çawraş di xizmetkirina hêzên Pêşmerge û gelê Kurdistanê de hatin pêşkêşkirin.
PUKMEDIA