Li Zanîngeha Silêmanî cara ewil Navenda Lêkolînê ya Çînê tê vekirin

PUKMEDIA

Merasima Navenda Lêkolînê ya Çînê li Zanîngeha Silêmanî

Li Herêma Kurdistanê, Iraq û Rojhilata Navîn cara yekem li Zanîngeha Silêmaniyê Navenda Lêkolînên Çînê li Herêma Kurdistana Iraqê hat vekirin.
Îro bi beşdarî Xanima yekem a Iraqê Şanaz Îbrahîm Ehmed, Konsulê Giştî yê Komara Çîn li Herêma Kurdistanê Liu Jeon û Balyoz Dr. Mihemed Sabir Serokê Saziya Serok  Celal Talebanî, Heval Ebûbekir Parêzgarê  Silêmaniyê, Kosar Mihemed serokê zanîngeha Silêmaniyê û hejmarek ji endamên parlamentoya Iraqê û mamostayên zanîngehan di merasimeke hêja de, navenda lêkolînên Çînê li Herêma Kurdistana Iraqê li zanîngeha Silêmaniyê hat vekirin.
Di merasîmê de Baliyoz  Dr. Mihemed Sabir Serokê Saziya  Celal Talebanî piştgiriya xwe ji bo zanîngeh û yekemîn navenda lêkolînê ya Çînê li Herêma Kurdistana Iraqê û Rojhilata Navîn li zanîngeha Silêmaniyê nîşan da û ew wek destpêşxeriyeke baş bi nav kir.
“Vekirina vê navendê dê bibe deriyekî baş ji bo pêşxistina peywendiyên di navbera Herêma Kurdistanê û Çînê de, di warên zanistî, akademî, aborî, peydakirina derfetên kar û rahênana kadroyan û peydakirina derfetên zêdetir ji bo wergirtina bûrsê bo xwendekarên xwendina bilind.’’ Her wiha got
Roja 16.11.2023 Konsolê Giştî yê nû yê Komara Çînê li Herêma Kurdistanê Liu Jeon di serdana xwe ya ji bo Cîgirê Serokwezîr Qubad Talebanî de got:’"Ji bo bihêzkirina peywendiyên navbera Çîn û Herêma Kurdistanê, em amadene hemahengiyê bikin û di demeke nêzîk de navendeke lêkolînê ya Çînê li zanîngeha Silêmaniyê were vekirin û kar bo danîna peywendiyên akademîk di navbera zanîngehên Çînê û Kurdistanê de bê kirin."
PUKMEDIA