Berdevkê YNKê: Emê hemû pêkhate û neteweyên Nînowa biparêzin

PUKMEDIA

Saadi Pira li Nînowayê

Berdevkê Yekîtiya Niştimanî ya Kurdistanê (YNK) li navçeya Mexmûrê serdana malbenda  20 ya Qereçoxê kir û ji aliyê Serdar Siyamend berpirsê baregehê û hejmarek zêde ji kadroyên herêmê ve hat pêşwazîkirin.
Saadî  Ehmed Pîre berdevkê Yekîtiya Niştimanî ya Kurdistanê (YNK) behsa  lîsteya hejmara 134 ya Yekîtiya Gel a Nînowa ya ji bo hilbijartinên encumenên parêzgehên Iraqê kir û got:“ Kampanyaya namzedên YNKê di hevpeymaniya Yekîtiya Gel a Nînowa li parêzgeha Mûsilê, pir girîng e kampanyayeke berfireh a hişyariyê were meşandin çawa hilbijartin birêve diçe û dengdêr li gorî yasa û sîstema nû ya hilbijartinê ku bi tevahî ji hilbijartinên berê cudatir e bê agahdarkirin.’’
Her wiha  got: "Divê kampanyayeke aştiyane were kirin ji ber taybetiyên herêmê û hebûna pêkhateyên cuda li herêmê, divê ji her kesî re were eşkerekirin ku YNK parêzvanê hemû xelkê Nînowa ye, namzedên YNKê di hevpeymaniya Yekîtiya Gel a Nînowa  bê cudahî ji  nûnerê hemû pekhat û neteweyan e berbijêrên hemû gelên herêmê ne .’’
Saadî Ehmed Pîre got:"YNK amadeye parastina Mexmûrê û xelkê deverê bike û em tu carî naxwazin xelk bi her sedemekê ji gundan derkevin û YNK jî dixwaze li gorî hemû qurbanî û êş û azarên ku hatine kişandin, ev herêm bê xizmetkirin.’’
Pêwîst e em hemû yekrêzî û pêkvejiyana ku bi salan e gelê Mexmûr, Kurd, Ereb û pêkhateyên din pêk tînin biparêzin û tekez kir ku cîbicîkirina maddeya 140 ya destûrê herdem yekrêziya Iraqê ye, nayê wateya parçekirina Iraq û pêkhateyên wê, berevajî  ji bo zêdetir bihêzkirina yekîtî û yekrêziya vê jiyana aştiyane ya Îraqiyan e li deverên ku bi hev re dijîn.”
PUKMEDIA