Hewldanên paşxistina hilbijartinên Kerkûkê pûç û mehkûmî şikestê ne

PUKMEDIA

Aso Mamend

Serokê hevpeymaniya Kerkûkê Hêz û Îradeya me di lîsteya jimare 142 de tekez kir ku hewlên niha bo paşxistina hilbijartinên encumenên parêzgeha Kerkûkê hewlên pûç in û mehkûmî şikestê ne û amaje bi wê yekê jî kir ku sedema van bangeşeyan jî ew e di hilbijartinan de wê Kurd pirraniya dengan bi dest bixin.
Endamê Mekteba Siyasî ya Yekîtiya Niştimanî ya Kurdistanê, berpirsê Hevpeymaniya Kerkûkê Hêz û îradeya me Aso Mamend di daxuyaniyekê de bo rojnamevanan ragihand: “Zihniyetek heye ku dixwaze vê bêedaletî û rewşa neqanûnî berdewam bike. ”
Li Kerkûkê serdest in, ji ber wê jî daxwaza paşxistina hilbijartinên Kerkûkê dikin, lê belê ev bangewazî ne li ser bingeheke yasayî ye, belku sedema wê tenê piştrastbûna hinek aliyan e ku Kurd dê piraniya dengan bidest bixin di  hilbijartinan de  ji ber ku piraniya nifûsa parêzgehê pêk tînin û naxwazin desthilatdariya  kurd vegere .”
Aso Mamend her wiha got: “Ez bang li welatiyên Kurd ên li parêzgeha Kerkûkê dikim ku nekevin bin bandora van gotegot û hewlên têkçûyî û roja 18.12.2023ê bikin roja vegerandina desthilatê û destpêkirina xizmetguzariyê li Kerkûkê û berê xwe bidin ser sindoqan û emê hewlên şovenîstan ji bo têkbirina jiyana hevbeş li bajêr pûç bikin û tekez kir ku tekane rêya xizmetkirina xelkê Kerkûkê û aktîvkirina encumena parêzgehê beşdarbûna çalak di hilbijartinên bê de ye û ji vê aliyê ve jî Yekîtiya Niştimanî ya Kurdistanê baweriya xwe bi bihevre jiyan û şirîkatiya rasteqîn heye û emê bi hemû hêza xwe bo vegerandina desthilatê ji bo Kurdan li Kerkûkê bikin.”
Yekîtiya Niştimanî ya Kurdistanê di çarçoveya Hevpeymaniya Hêza Me û Îradeya Me ya Kerkûkê ya jimare 142 de, ku hevpeymaniyeke di navbera Yekîtiya Niştimani ya Kurdistanê û Partiya Komunîst a Kurdistanê de ye, bi armanca yekxistina dengan hatiye avakirin, di hilbijartinên Encûmena Parêzgeha Kerkûkê de beşdar dibe  jib o kurdên parêzgehê.
PUKMEDIA