Partiyeke siyasî ya Kurdistanê dê dengê xwe bide lîsteyên YNKê

PUKMEDIA

Dengê xwe dide lîsteyên YNKê

Partiyeke siyasî ya Kurdistanê daxwaz ji alîgirên xwe kir ku di hilbijartinên encumenên parêzgehên Iraqê de ku biryare 18ê vê mehê birêve biçe, dengên xwe bidin berbijêrên Yekîtiya Niştimanî ya Kurdistanê.
Mekteba siyasî ya Partiya Netewîya Kurdistanê di daxuyaniyekê de ragihand: “Bi armanca parastina statûya rastîn a gelê Kurd li navçeyên nakok bi taybet Kerkûkê û bihêzkirina giraniya wan li Bexdayê, em kar ji bo misogerkirina serkeftina Namzetên Yekîtiya Niştimanî ya  Kurdistanê di hilbijartinên encumenên parêzgehên Iraqê de dikin.”
Di berdewamiya daxuyaniyê de wiha hat gotin: "Di dema borî de Yekîtiya Niştimanî ya Kurdistanê piraniya dengên Kurdistanî li navçeyên cihê nakokiyê hebû û di bin ti şert û mercan de dest ji alîgirên xwe berneda, herwiha berevaniyê li mafên xwe yên rewa kir. Lewma em bang li endaman û alîgirên partiya me dikin dengên xwe bidin namzetên Yekîtiya Niştimanî ya Kurdistanê."
PUKMEDIA