Serok Bafil: Erka me hemûyan e ku em welat ji bûyerên nexwestî biparêzin

PUKMEDIA

Serokê YNK û Serokwezîrê Iraqê

Serokwezîrê Iraqê Mihemed Şîa Sûdanî li Bexdayê bi Serokê Yekîtiya Niştimanî ya Kurdistanê (YNK) Bafil Celal Talebanî re civiya.
Di hevdîtinê de rewşa giştî ya welat û hewlên hikûmetê ji bo pêşkêşkirina xizmetguzariyên zêdetir hatin gotûbêjkirin û tekez li ser hemahengî û hevkariya di navbera hêz û aliyên siyasî de ji bo çareserkirina pirsgirêkan û parastina aramiya navçeyê kirin.
Serok Bafil Celal Talebanî amaje bi hewlên şanda Herêma Kurdistanê ji bo rêkeftina niştimanî ya li gel Bexdayê kir û diyar kir: “Vegera bo destûrê û şirîkatiya rasteqîne, faktora sereke ya çareserkirina pirsgirêkan e. “Divê jiyan û bextewariya xelkê bibe serekîya hikûmetê û her kes ji bo vê mebestê hevkarî û hevahengiyê bike.’’
Derbarê pêşhatên ewlekarî yên deverê û encamên wê de Serok Bafil behsa siyaseta YNKê  kir û got: “Herêm di qonaxeke hestiyar re derbas dibe, erka her kesî ye ku bi berpirsyarî tevbigerin û welat ji her rewşên nedilxwaz biparêzin.’’
PUKMEDIA