Serok Bafil: Em piştgiriya serxwebûna dadgehan dikin

Ofîsa Serokê YNKê

Serok Bafil û Fayeq Zêdan

Serokê Yekîtiya Niştimanî ya Kurdistanê (YNK) Bafil Celal Talebanî li Bexdayê ligel Serokê Encûmena Bilind a Dadwerî ya Iraqê Fayeq Zêdan civiya.
Di hevdîtinê de Serok Bafil tekezî li ser piştgiriya YNKê ji bo berdewamiya diyaloga avaker di navbera hêz û aliyên siyasî de kir û tekez li ser derbaskirina astengî û nakokiyan kir bi awayekî ku destûr û yasayên cîbicîkar xala diyarker bin.
Li beşekî dinê vê hevdîtinê de behsa parastina aramiya navçeyê û serweriya yasayan hat kirin û Serokê YNKê got:“Em bi her awayî piştgiriya serxwebûna dadgehan dikin û divê yasa bibe parêzvanê rasteqîne yê mafên hemû gelên Iraqê.’’
PUKMEDIA