Serok Bafil: Yekîtî piştgiriya hilbijartinên paqij dike

Nivîsgeha serok Bafil

Serok Bafil û Nûrî Malikî

Serokê Yekîtiya Niştimanî ya Kurdistanê Bafil Celal Talebanî li Bexdayê ligel Serokê Hevpeymaniya Dewleta Yasa Nûrî Malikî civiya.

Di hevdîtinê de ku Wezîrê Dadê Xalid Şiwanî jî tê de amade bû, tekezî li ser geşepêdana peywendiyên dîrokî û hevbeş di navbera her du aliyan de ji bo zêdetir hevkarî û hemahengî ji bo çareserkirina pirsgirêkan, parastina berjewendiyên bilind û aramiya welat hate kirin.

Her wiha di civînê de tekezî li ser berdewamiya diyaloga niştimanî û avaker di navbera aliyên hevpeymaniya rêveberiya dewletê de ji bo bidestveanîna karnameya hikûmetê, xizmetguzariyên zêdetir û çareserkirina pirsgirêkan hat kirin, bi taybetî pêwendiyên di navbera Herêma Kurdistanê û Bexdayê de, di wê derbarê de serok Bafil daxwaz kir ku destkeftên darayî yên Herêmê û mûçeyên karmendan tevlî nekokiyên siyasî nabe û jiyana xelkê jî parastî be.

Hevkariya di navbera aliyan de ji bo serkeftin û lidarxistina hilbijartinên encumenên parêzgehan mijareke dinê vê hevdîtinê bû û Serok Bafil got: YNK bi hemû awayî piştevaniya lidarxistina hilbijartinên dadperwerane di dema xwe de dike, bi taybet li Kerkûkê, ji ber ku rewşa bajêr taybetiyên xwe hene û pêwîstiya wan bi guhertinên îdarî û xizmetguzariyên zêdetir heye.


PUKMEDIA