Serok Bafil tekezî li ser kûrkirina hizra aştî, nermbûn û pêkvejiyanê

PUKMEDIA

Serdanên Serok Bafil Celal Talebanî

Îro sêşem 12.12.2023, Serokê Yekîtiya Niştimanî ya Kurdistanê Bafil Celal Talebanî li bajarê Silêmaniyê serdana Mamoste Ebdulletîf Ehmed kir.
Di hevdîtinê de her du alî tekez li ser pêşxistin û kûrkirina bîrdoziya aştî, nermbûn, pêkvejiyan û jiyana hevbeş di navbera neteweyan û pêkhateyan de kirin daku hemû welatî bi hemû cudahiyên xwe yên hizrî hest bi aramiyê bikin.
Di hevdîtinê de Serok Bafil Celal Talebanî rol û rewşa zanayên olî di civakê de bilind nirxand û got: Yekîtiya Niştimanî ya Kurdistanê bi nirx û rêz li hewlên zanayên olî dinêre ku hertim dilgiran in bo kûrkirina ruhê pêkvejiyan û arastekirina xelkê, ji bo xizmeteke baş û giştî û em jî piştgîriya hemû hewldanên ku ji bo bidestxistina aştî û aramiya civakî ne.
Yekkirina navmala navxwe ya Kurd û herêmeke bihêz û pêşkêşkirina xizmetguzariyên baştir mijareke dinê vê hevdîtinê bû, ji ber ku her du alî li hev kirin ku bi hev re ji bo van armancên bilind tekoşîn bikin û kar ji bo cîbicîkirina karên hêja bikin.
PUKMEDIA