Serok Bafil: Kerkûk keleha kesk ya Yekîtiya Niştimanî ya Kurdistanê ye

Ofîsa Serokê YNKê

Hevdîtina Serok Bafil li Kerkûk

Serokê Yekîtiya Niştimanî ya Kurdistanê Bafil Celal Talebanî li bajarê Kerkûkê ligel Serok û namzetên lîsteya Hevpeymaniya Hêza me û Îradeya me ya Kerkûkê civiya.
Di destpêka civînê de ku endamên Mekteba  siyasî Rifaat Ebdullah, Aso Mamend, Şalaw Elî Eskerî, Daro Şêx Nûrî û endama Encûmena Serkirdayetiyê Şêx Ehmed Hema Kerîm, Şûnem Zarar Balbas amade bûn. Serok Bafil Celal Talebanî spasî û pêzanînên xwe pêşkêşî girseyên dilsoz û têkoşer ên Kerkûkê kir ji bo pêşwazîkirina germ û piştgiriya berdewam ji bo hevpeymaniya Kerkûkê û namzedên wê û got: Ev baweriya Kerkûkiyan berpirsyariyeke mezin e û karên me dijwar dike, ji ber wê jî divê em hemû bi hemû hêza xwe di xizmeta Qudsê ya Kurdistanê de bin û bi bername û projeyên xizmetguzarî bersiva Kerkukiyên ezîz bidin.
Serok Bafil Celal Talebanî di civînê de siyaset û stratejiya Yekîtiya Niştimanî ya Kerkûkê û navçeyên qutkirî  rave kir û got: Siyaseta me jî heman siyaseta aqilane ye ku ji aliyê Serok Mam Celal ve dihat meşandin, ti partî û kesek nayê paşguhkirin û em ê li gel hev bin di xizmeta hemû netew û pêkhateyan de, baweriya me bi hemahengî û qebûlkirina hev heye û tenê bi vî awayî, em dikarin xizmeta Kerkûkê bikin û pêşerojeke baştir ji bo Kerkûkê misoger bikin.
Di beşeke din ya civînê de Serok Bafil Celal Talebanî daxwaz ji hemû reng û dengên cuda yên Kerkûkê kir ku dengên xwe bidin hevpeymaniya Kerkûkê ya Hêz û Îradeya me û hewlên wan bo serxistina lîsteya 142, ji ber ku ev yek garantiya wergirtina Parêzgar û jiyana hemwelatiyên birûmet dê ber bi avadankirin û geşbûnê ve bibe.
Di dawiya civînê de diyalogeke vekirî hate kirin û Serok Bafil Celal Talebanî guh da nêrînên cuda û got: Bi hilbijartina hevpeymaniya Kerkûkê Hêz û Îradeya me û bi dengdana lîsteya jimare 142 hûn bersivê didin ji bo hemû kesên ku jiyan û aramiya Kerkûkê xistiye ber metirsiyan û beşdarbûna we ya aktîf di hilbijartinan de vê rastiyê îsbat dike ku Kerkûk keleha kesk a Yekîtiya Niştimanî ye û qada şer a parastina kurdayetiyê ye.’’
Got: Em spasî û pêzanîna xwe ji bo wan kandîdan dikin ku bi hemû dilpakî û aramî kampanyaya hilbijartinan bi rêve birin û hevalbendîya me digel Partîya Komonîst di encama xebat û biratî ya ji bo pêşeroja Kerkûkê û parastina  welatiyan.
PUKMEDIA