Hevpeymaniya Kerkûkê di pêşiya lîsteyên din de ye

PUKMEDIA

Lîsta Kerkûk hêz û vîna me ye

Li gorî rapirsiya herî dawî ya hilbijartinên encumenên parêzgeha Kerkûkê, lîsteya hevpeymaniya Kerkûkê ya jimare 142, di rêza yekem de ye û dê di hilbijartina 18-12-2 de, dengên herî zêde misoger kiriye.

Rapirsî ji aliyê rêxistina Şebenk bo Demokrasî û Hilbijartinan ve hatiye encamdan û li gor zanyariyên ku gihîştine malpera PUKMEDIA: Ji 9 lîste û hevpeymaniyên hilbijartinan yên beşdar di hilbijartinên encumenên parêzgehên Kerkûkê de, hevpeymaniya Kerkûk hêz û vîna me ye jimare 142. Bi rêjeya %37 pileya yekem girt û piştî wê jî Hevpeymaniya Erebî bi rêjeya %12 bû pileya duyem.
Li gorî rapirsiyê, hevpeymaniya Kerkûk imare 142 dê piraniya dengan di nav lîste û hevpeymaniyên erebî, kurdî û yên din de werbigire û di rêza yekem de ye û Partiya Demokrata Kurdistanê di rapirsiyê de %8 wergirt Ji dengan, Newey Nû %5 bi dest xistiye û rêjeya herî kêm ya dengan jî ketiye destê Hevpeymaniya Şoile ya Kerkûkê.
Herwiha li gor wê rapirsiyê rêjeya beşdariya di hilbijartinan de dê bigihe 75%, rêjeya boykotan jî dê bibe 16.2%, û rêjeya kesên ku heta niha biryara beşdariyê nedane dê bigihe 8.3%.
Yekîtiya Niştimanî ya Kurdistanê di Hevpeymaniya Kerkûk Hêz û vîna me ye de û di lîsteya jimare (142) de beşdarî hilbijartinên Encûmena Parêzgeha Kerkûkê dibe, ku di 8ê 2019an de Yekîtiya Niştimanî ya Kurdistanê û Partiya Komunîst ew ragihandin.
Kevpeymaniya Kerkûk hêz û vîna me ye ji 30 namzed ji pêkhat û pêkhateyên cuda yên Kerkûkê pêk tê. Hejmara kursiyên Encumena Parêzgeha Kerkûkê 15 kursî ye ku 4 kursî ji bo jinan in.

PUKMEDIA