Dengdana giştî ya encûmenên parêzgehên Iraqê bi dawî bû

Kurdistan 06:24 PM - 2023-12-18

Makîneyên dengdanê

Îro (18-12-2023) demjimêr 18:00ê piştî nîvro proseya dengdana hilbijartinên encumenên parêzgehên Iraqê bidawî hat, ku li 15 parêzgehên Iraqê birêve çû û tê de zêdetirî 15 milyon dengder mafê dengdanê hebûn.

Dengdêr ketin tengasiyê

Li gorî çavdêrên Yekîtiya Niştimanî ya Kurdistanê (YNK) li navendên dengdanê ji PUKMEDIA re gotiye: “Pirsgirêkên nexwendina şopa tiliyên dengdêran hebûn, ji ber wê jî jimareyên li ser pişta kartên dengdana welatiyan ji bo dengdanê dihatin bikaranîn û dengên xwe winda nakin û ji welatiyan hat xwestin ku careke din biçin ser sindoqan.’’
Li gorî Komîsyona Hilbijartinan a Iraqê 15 milyon û 108 hezar û 135 dengdêr dikarin beşdarî hilbijartinên encûmenên parêzgehan bibin û li gorî dane û zanyariyên ku ketine destê PUKMEDIAyê, hejmara dengderan li navçeyên nakok 4 milyon û 378 hezar û 282 dengderan e  yek ji sê parên giştî yên dengderan di hilbijartinên encumenên parêzgehên Iraqê de.

Hilbijartinên giştî yên Iraqê

Îro saet 07:00ê sibê proseya dengdanê dest pê kir û li nêzîkî 8 hezar navendên dengdanê û 39 wêstgeyê navendên dengdanê jî bo dengderan dest pê kirk u 16 milyon , 158 hezar û 788 dengdêr dê beşdarî hilbijartinên encûmena parêzgehan bibin û 7 hezar, 766 navendên dengdanê û 38 hezar ,  40 wêsgeyê dengdanê ji bo dengderan hatibûn amadekirin.
134 lîste, ji wan 39 hevpeymanî, 29 partî û 66 berbijarên serbixwe, beşdarî hilbijartinên encumenên parêzgehan bûn, ku nêzîkî 40 rojan ji bo lîste û namzedên wan kampanya berdewam kir, proseya dengdana giştî jî roja duşemê 18-12-2 hatin lidarxistin.

Li herêmên nakok dengdan

Hejmara dengderan li navçeyên nakok bi vî awayî ye ku herî zêde li Nînowa û Selahedîn jî herî kêm dengder hene.
Li parêzgeha Nînowayê milyonek û 795 hezar û 292 dengder hene, ji wan 1 milyon û 695 hezar û 566 dengderên giştî û 99 hezar û 792 dengderên taybet hene.
Parêzgeha Diyalayê 950 hezar û 114 dengder hene ku 892 hezar û 710 dengderên giştî û 57 hezar û 404 dengderên taybet in.
Li Kerkûkê 870 hezar û 920 dengdêr hene, ji wan 813 hezar û 590 dengdêrên giştî û 57 hezar û 330 dengdêrên taybet in.
Li parêzgeha Selahedînê 770 hezar û 956 dengder hene ku 703 hezar û 563 dengderên giştî û 67 hezar û 393 dengderên taybet hene.
PUKMEDIA