Hevpeymaniya Kerkûkê dê 5 heta 6 kursiyan bidest bixe

PUKMEDIA

Kerkûk, logoya Koalîsyona Kerkûkê Hêz û Îradeya me ye

Hevpeymaniya Kerkûkê Hêz û Îradeya me ye, li  gor cûdakirina  %85ê dengan, pênc kursî di encumena parêzgeha Kerkûkê de bi dest xistine û heta niha %15 ji dengan nehatine cudakirin û dibe ku hejmara kursiyan bigihe şeşan.
Jêderekî haydar ji Buroya Hilbijartinê ya YNKê ji PUKMEDIA re ragihand: “Heta niha hevpeymaniya Kerkûkê di yekemîn hilbijartina parêzgeha Kerkûkê de bi ser ket û pênc heta şeş kursî bidest xist û ji sedî 85ê dengan ji hev cuda bûne.’’
Çavkaniyê han eşkere kir ku, ji 15 kursiyên civata parêzgeha Kerkûkê heta niha bo 12 kursî biryar hatiye dayîn û hevpeymaniya Kerkûkê nîvê kursiyan bidest xistiye.
Li gorî PUKMEDIA, hevpeymaniya Kerkûkê 5 kursî, hevpeymaniya Erebî 2 kursî, Eniya Yekgirtû ya Tirkmenî ya Iraqê 2 kursî û Partiya Demokrata Kurdistanê jî 1 kursî jî bo wî hatiye diyarkirin.
Koalîsyona Rûbeş kursiyek, Koalîsyona Serkirdayetiyê jî kursiyek bi dest xistin.
Li gor amarên dawî yên ku PUKMEDIA ji Komisyona Bilind a Serbixwe ya Hilbijartinan bi dest xistine, rêjeya beşdariya li Kerkûkê %66 bûye, hem dengdana taybet û hem jî ya giştî heye.
Berpirsê Buroya Hilbijartinê ya YNK’ê Razgar Hacî Hema wiha got:"Li gorî nirxê dengdanê parêzgarê bê yê Kerkûkê mafê YNKê ye."
Di encûmena parêzgeha Kerkûkê de 15 kursî hene, yek jî bo civaka mesîhî ye.
PUKMEDIA