Du namzedên YNKê rêjeya herî zêde ya dengan li Kerkûkê distînin

PUKMEDIA

Neşet Şawêz Xurşîd û Pervîn Fetîh Hemîd

Di hilbijartinên encumenên parêzgeha Kerkûkê de 2 berbijêrên lîsta Hevpeymaniya Hêza me û Îradeya me ya Kerkûkê rêjeya herî zêde ya dengan bidest xistin û bi rêjeyeke mezin li pêş namzedên din in.
Neşet Şawêz Xurşîd namzedê jimare 3 yê Yekîtiya Niştimanî ya Kurdistanê di Hevpeymaniya Hêza me û  Îradeya me ya Kerkûkê, di nava 176 namzedên mêr de piraniya dengan bidest xist û 37 hezar û 971 deng bidest xist û piştî wî jî Rakan Cibûrî tê 36 hezar û 617 deng stendin û namzedê Yekîtiya Niştimanî ya Kurdistanê li pêş e û bi ferqeke mezin jî.
Her wiha li ser asta jinan jî 68 namzedên jin hebûn, ku Pervîn Fetîh Hemîd, berbijara Yekîtiya Niştimanî ya Kurdistanê di nava hevpeymaniya Hêza me û Îradeya me ya Kerkûkê de, piraniya dengan di nav namzedên jin de bidest xist û 5 hezar û 396 deng bidest xist. Paşê ji Eniya Tirkmenî Sawsan Ebdulwahed tê ku 4831 deng bi dest xistiye û ferqa di navbera wan de zêdetirî 500 deng e.
Encumena Parêzgeha Kerkûkê ji 16 kursiyan pêk tê û kursiyek jî ji bo kotaya mesîhiyan e û 15 kursiyên mayî jî li gorî encamên hilbijartinan di navbera aliyên siyasî de hatine dabeşkirin.
Tevî ku heta niha Komîsyona Bilind a Serbixwe ya Hilbijartinan encamên dengdana taybet eşkere nekiriye, lê Hevpeymaniya Hêza Me û Îradeya Me ya Kerkûkê 5 kursiyên Encûmena Parêzgeha Kerkûkê bi dest xistine.
 PUKMEDIA