Serok Bafil: Armanca me yekîtiya aliyane

Ofîsa Serok Bafil

Serok Bafil pêşwaziya şandeke pilebilind a Amerîkî dike

Li baregeha Mekteba Siyasî ya Kurdistanê li Hewlêrê, Serokê Yekîtiya Niştimanî ya Kurdistanê (YNK) Bafil Celal Talebanî pêşwaziya şandeke pilebilind a Amerîkayê bi serokatiya Viktoriya Nûland cîgira wezîra derve ya Amerîkayê bo karûbarên siyasî kir.
Di hevdîtinê de ku bi amadebûna Derbaz Kosret Resûl Berpirsê Buroya Peywendiyên Derve, Dara Xeylanî Serokê Desteya Peywendiyên Derve û Alina Romanowski Balyoza Amerîka li Iraqê, her du alî behsa  rewşa siyasî , aramiya navçeyê kirin û tekez li ser yekxistina hewlên ji bo serxistina proseya siyasî û parastina aramî û asayîşa Herêma Kurdistanê û Iraqê kirin.
Serok Bafil Celal Talebanî got ku YNK pêbende bi parastina aramiya Iraqê û got ku hewlên ji bo dûrxistina welat ji alozî û nakokiyan berdewam in û bi hêz û aliyên din re gotûbêjan dikin da ku rewşa nexwestî ya Rojhilata Navîn heye bandorê li aştî û aramiya herêmê neke.
Di derbarê Herêma Kurdistanê û hewlên YNKê ji bo yekxistina nav mala Kurd de jî Serok Bafil stratejiya partiyê rave kir û got, armanca me kûrkirina biratî û yekrêziya di navbera hemû aliyên siyasî de ye, em dixwazin bi hev re kar bikin bo çareserkirin û rûbirûbûna pirsgirêkan . "Em ji xurtkirina pêkhateya herêmê û dabînkirina jiyaneke aram ji gelê xwe re berpirsyar in, ji bo vê yekê divê her kes hevkarî û hemahengiyê bike."Serok Bafil got
Li hember de jî şanda Amerîkî tekez li ser parastina asayîşa Herêma Kurdistanê û Îraqê kir û got ku aramiya deverê ji bo me gelek girînge û hemahengiya me jî bo vê mebestê berdewam dibe.
PUKMEDIA