Dadgeha Kerkûkê bi hinceta ku piştgirî dane Baasê ceza li 10 kesan birî

Arşîv

Girtîgeh

Dadgeha Tawanan a Kerkûkê bi hinceta ku pesnê Partiya Baasê dane 10 kesan cezayê girtîgehê li wan birî.
Li gor daxuyaniya fermî ya ku ji teref Midûriyeta Ewlekariya Neteweyî ve hatiye dayîn li Kerkûkê di çarçoveya Qanûna Qedexeya Baasê ya bi hejmara 32yan de 10 gumanbar hatin girtin.
Di daxuyaniyê de wiha hat gotin:“Hêzên Asayîşa Niştimanî ya Kerkûkê, yek ji wan kesên ku li ber avahiya parêzgariya Kerkûkê bi vîdyoyekê şahî li dar xistibû û propagandaya Baasê kiribû, girtin.”
Her wiha di daxuyaniyê de her wiha hat gotin:  “Dadgeha Tawanan a Kerkûkê 5 sal cezayê girtîgehê li 10 kesên ku ji aliyê Asayîşa Netewî ve hatibûn girtin, birî.”
Li gorî daxuyaniyê:“10 kesan li xwe mikur hatin ku wan ji bo propagandaya Partiya Baas a wêrankirî li ser torên civakî weke beşek ji tora Partiya Baasê ya hilweşiyayî belav kiribûn.’’
Vîdyoyek li ser torên civakî hatiye belavkirin ku tê de xelk li Kerkûkê pîrozbahiyê dikin, bi eşkere wêneyê dîktatorê nemir Seddam Husên bilind dikin û siloganan bo piştgiriya  rejîma Beis rûxayî berz dikin.
PUKMEDIA