Daxwazê YNK bû radestkirina dosiya ewlekarî bo polîsa xwecihî

PUKMEDIA

Kerkûk

Biryare ji destpêka sala 2024an ve polîsên xwecihî yên parêzgeha Kerkûkê dest bi dosyaya ewlehiyê ya nav bajarê Kerkûkê bikin û ev çend sal in daxwaza Yekîtiya Niştimanî ya Kurdistanê bûye.

Di vê derbarê de, Sebah Hebîb endamê fireksiyona Yekîtiya Niştimanî ya Kurdistanê li Parlementoya Êraqê ji bo Parêzgariya Kerkûkê di daxuyaniyekê de bo malpera fermî ya Yekîtiya Niştimanî PUKMEDIA ragihand: Ji destpêka sala nû ve hêzên polîsên xwecihî dê li Kerkûkê dosyaya ewlekariya bajêr bigire û wê dest û rola sereke jî di parastina ewlekarî û aramiyê de hebe.
Sebah Hebîb herwiha got: Hêzên din ên leşkerî û ewlekarî dê vekişin cihên xwe yên berê yên li derveyî bajarê Kerkûkê û parastina sînorên parêzgeha Kerkûkê û derdora wê li ser milê artêşa Êraqê ye.  Odeya Oparesyonan dê wek xwe bimîne û nûnerekî hêzên Pêşmerge jî tê de hebe, ji bo hevahengiyê bo parastina ewlehî û aramiya navçeyê.
Endamê Civata Nûneran got: Me wek baskê Yekîtîya Niştîmanî çendîn caran daxwaz kiriye ku berpirsatîya dosyaya asayîşa Kerkûkê radestî polîsê herêmê bê kirin û îro jî biryarek di vî warî de hat wergirtin, ji ber ku polîsê Kerkûkê ji hemû pêkhateyan pêk tê û weke hêzeke niştimanî piştgiriya hemû aliyan dike, lewma em di wê baweriyê de ne ku wê di vê erkê de bi serkefe.


PUKMEDIA