Yekîtî di nav partiyên kurdistanî de yekem e

PUKMEDIA

Yekîtî li navçeyên nekok

Yekîtiya Niştimaniya Kurdistanê di hilbijartinên encumenên parêzgehên Êraqê yekem partiya kurdistanî ye li navçeyên nekok û mezintirîn serkeftin bi dest anî û li parêzgehên Kerkûk, Nînewa, Selahedîn û Diyalayê de 247 hezar û 777 deng bidest xist û 9 kursî misoger kir. Berpirsê Buroya Hilbijartinê ya YNK’ê wiha got: Em ê bi hev re ber bi serkeftinên mezintir ve biçin.

YNK ber bi serketineke mezintir ve diçe

Berpirsê Buroya Hilbijartinê ya Yekîtiya Niştimanî ya Kurdistanê Rizgar Hecî Hema bi boneya serkeftina YNKê û ragihandina encamên hilbijartinên encumenên parêzgehên Êraqê ji aliyê Komisyonê ve peyamek belav kir û ragihand: Ev serkeftina mezin a ku bi serkirdayetiya jîr a Serok Bafil Talebanî û hewlên me hemûyan de hat bidestxistin, serwerî û serbilindiyeke mezine ya YNK û tevahiya gelê me pêşkêşî rihê serok Mam Celal û şehîdên qehreman dikin û ragihand ku: Emê bi hev re ber bi serkeftineke mezintir di hilbijartinên parlamentoya Kurdistanê de bimeşin‍.

YNK li Kerkûkê hêza yekem e

Hevpeymaniya Kerkûkê ku di navbera YNK û Partiya Komonîst de bû, li parêzgehê herî zêde deng bidest xist û hêza yekem a hemû pêkhateyan e, xwedî 157 hezar û 639 denge, ku 43% ji dengên parêzgehê 5 kursî bi destve anîne, her yek ji namzedan Neşet Şehwêz Xurşîd Elî bi 42 hezar û 165 dengan bidest xist. Rêbwar Taha bi 29862 deng, Ehmed Fatih Mistefa 12268 deng, Hoşyar Hîcran Necmedîn 7108 deng û Perwîn Fatîh Hemîd 5842 deng serkeftin bi dest anîne.

Du kursiyên YNKê li Nînewa hene

Hevbendiya Yekîtiya Xelkê a Nînewayê di encûmena parêzgehê de 50 hezar û 606 deng bidest xist û Mihemed Casim Mihemed 3 hezar û 738 deng û Wîsam Selm Selîm 3 hezar û 611 deng bidest xistin.‍

YNKê li Diyalayê kursiyek misoger kir

Lîsta Yekîtiya Niştimanî ya Kurdistanê li parêzgeha Diyalayê 286 hezar û 48 deng bidest anî  û bû xwediyê kursiyekê li parêzgehê û Aws Îbrahîm Mehdî jî 4 hezar û 181 deng bidest xistin.

Yekane namzedê YNK’ê li Selahedînê bi ser ket

Yekane namzedê Yekêtiya Niştimanî ya Kurdistanê li Selahedînê Yasîn Mihemed Elî Dawûdî 10 hezar û 884 deng bidest xist.

PUKMEDIA