Serok Komarê daxwaza hevkarîkirina zêdetir bo pêkanîna ewlehî û aramiyê dike

PUKMEDIA

Serok Komar sersala nûh pîroz dike

Serok Komarê Dr.Ebdul Letîf Reşîd bi boneya hatina sersala nû peyameke pîrozbahiyê parve kir. Ev peyam wiha ye:

Em hatina sersala nû li hemû gelê xwe pîroz dikin û hêvîdar in ku saleke tijî serkeftin be piştî ku sala 2023an bi encamdana serkeftî ya hilbijartinên herêmî bi dawî hat û ev jî bibe sedem ku xebat ber bi hevkariyeke zêdetir ji bo pêkanîna ewlekarî û aramiyê be ji bo peydakirina keşûhewaya guncaw ji bo pêşkêşkirina xizmetguzariyan, pêşxistina aboriyê û kişandina sermayeguzariyan piştî bidestxistina serkeftinên mezin bi ser DAÎŞê.
Pabendbûna bi destûr û dewleta saziyan û derbasbûna ji serdema desthilata yekdestdariyê dê bibe bingehek bihêz ji bo bidestxistina aramî û aşitiyê ji bo gelê me, û Êraq wê bikaribe rola xwe ya guncaw di civaka navdewletî de bikar bîne, ku me di sala 2023an de gelek li ser xebitîbûn.bi amadebûna bihêz di konferans û bûyerên navdewletî de û di serdanên xwe yên derve de ku pirên ragihandinê ava kirin, ji bo pêşxistina gelek sektoran li Iraqê û sûdwergirtina ji ezmûnên wan di avakirina saziyan de, aramiya civakî, û avakirina sîstemeke têkiliyên navneteweyî yên pêşketîtir.

Her wiha em bang û hêviyên xwe yên ji bo bidawîkirina her cure tundî û pevçûnan li herêmê û cîhanê nû dikin.


Em hertim hêvî û hewl didin ku dawî li kêşe û êş û azarên welatiyên filistînî yên li Xezayê bên da ku gelê Felestînê bigihêje hemû mafên xwe yên rewa.

Em sala nû bi bawerî û hêviyek mezin pêşwazî dikin.
Em ji welatiyên xwe yên Misilman, Xiristiyan û olên curbecur re xêr, aramî û xweşiyê dixwazin.

PUKMEDIA