Dr.Yûsif Goran piştî hilbijartinên Kerkûkê rastiyan eşkere dike

PUKMEDIA

Dr.Yûsif Goran

Endamekî Mekteba Siyasî ya Yekîtiya Niştimanî ya Kurdistanê (YNK) dibêje:“Tevî ku Kurd mezintirîn neteweya Kerkûkê ne û piştî 16ê Cotmehê, hewl hat dayîn ku ew ji îdareya parêzgehê bên dûrxistin, lê rastî nîşan didin ku yek netewe ti carî nikare vî bajarî bi rêve bibe û divê pirnetewe be.’’

Kurd herî zêde deng û kursî bi dest xistin

Dr.Yûsif Goran endamê Mekteba Siyasî  û Berpirsê Navenda Lêkolînên Yekîtiya Niştimanî ya Kurdistanê di gotara xwe ya bi sernavê “Pêşeroja siyasî ya Kerkûkê piştî hilbijartinan” ku di beşa nêrîna malpera fermî ya YNKê PUKMEDIA de hatiye weşandin, ragihand:’’ Tevî ku Kurd mezintirîn neteweya wê parêzgehê ne, lê li gorî hemû amaran û dengên hilbijartinan, ne veşartî ye ku piştî 16ê Cotmehê bi temamî ji rêveberiya bajêr hatin dûrxistin. Lê piştî hilbijartinên îsal ên encûmena parêzgehan (2023) dîsa kurdan li gorî pêkhateyên din herî zêde deng û kursî bi dest xistin. Ev hejmar nîşan dide ku giraniya Kurdan di rêveberiya bajar û parêzgehê de di ti proseyeke demokratîk de nayê paşguhkirin."

Kerkûk bajarê Pirnetewî ye

“Piştî zêdetir ji 6 salan ji paşguhkirin û biçûkxistina Kurdan li vî bajarî, piştî hilbijartinên vê dawiyê em hînî çendîn rastiyan bûne ku yek milet nikare vî bajarê pir pêkhate bi rê ve bibe. Sepandina îrade û hêza yek miletî li ser miletekî din dê bibe sedema bêîstiqrariya siyasî û ewlehiyê.” Dr.Yûsif Goran got.
PUKMEDIA