Cumane El-Ghelayî: Hilbijartin bi zelalî û paqij tam hatin lidarxistin

Kurdistan 01:36 PM - 2024-01-03

Cumane Gelay

Komisyona Bilind a Serbixwe ya Hilbijartinan tekez kir ku hilbijartinên encumenên parêzgehan bi awayekî zelal û dadperwerane birêve çûn û her kes pesna proseya Komisyonê dide.

Hejmara nerazîbûnê gihîşt 329an

Berdevka Komisyona Bilind a Serbixwe ya Hilbijartinan Cumane El-Gelayî ji PUKMEDIA yê re ragihand: Hejmara îtirazayan gehiştiye 329an, 294 ji wan îtirazê ji desteya dadwerî ya komîsyona hilbijartinan re hatine şandin û emê îro yên din ji bo desteya dadwerî bişînin. ji bo ku di heyama 10 rojan de biryar li ser bidin.
Wê got jî: Ev hilbijartin pêdivî bi pejirandina Dadgeha Federalî nîne, belku pêwîstî bi erêkirina Desteya Komîseran heye, lê hilbijartinên civata nûneran pêwîste dadgeha federalî encamên wan pesend bike.

Hilbijartin baş û zelal derbas bûn

Cumane El-Ghelayî dibêje: Hemû rêkarên baş derbas bûn û wekhaviya encamên hejmartina elektronîk û destî baş bûn, her kes şahidiya yekrêziya van hilbijartinan dike ku ji aliyê Komîsyona Bilind a Serbixwe ya Hilbijartinan ve li gorî bi pîvanên navnetewî û bi durustîbirêve çû, bêguman yê şikest encaman qebûl nake û, lê komîsyona hilbijartinan hilbijartin bi başî û bi durustî derbas kir.

 

Desteya edlî dê li ser gilînameyan bisekine

Cumana El-Ghelayî dibêje: Komisyonê desteyeka dadwerî heye ku dê lêkolînê li wan îtirazan bike ku li dijî proseya hilbijartinan hatine pêşkêş kirin û desteya dadwerî dê li dû hev biryarê li ser wan bide.
Wê got jî: Biryara li ser van gilînameyên han dê 10 rojan berdewam be û desteya dadwerî dê encamên gilînameyan pêşkêşî desteya komisyonan bike, da ku biryarên pêwîst derbarê wan de bên standin.

Hilbijartin bi serkeftî pêk hatin

Komîsyona Bilind a Serbixwe ya Hilbijartinan êvariya roja pêncşemê 28.12.2023ê encamên destpêkê yên giştî yên hilbijartinên encumenên parêzgehên Êraqê ragihand.
Komisyonê got: Hilbijartinên encûmena parêzgehên Iraqê bi awayekî serkeftî birêve çû, û hemû 450 giliyên ku li dijî proseya hilbijartinan tomar kiribûn, ji wan giliyên zer û kesk, bêyî ti giliyên sor hatin tomarkirin.
Li gor daneyên Komisyona Bilind a Serbixwe ya Hilbijartinan hejmara dengderên ku mafê beşdarbûna di dengdana giştî de heye (15 milyon û 108 hezar û 135) dengder e û di hilbijartinên encumenên parêzgehan de 134 lîste beşdar bûne, ji wan 39 hevpeymanî, 29 partî û 66 serbixwe.

 

PUKMEDIA